Қайта тайёрлаш ва уларнинг малакасини ошириш

В) Гулкарам шўрва тайѐрлаш.
Керакли масаллиқлар: 
Гулкарам 500 гр, ѐғли қўй гўшти 250 гр, 
пиѐз 1 бош, картошка 4 дона, сабзи 1 дона, ошкўк, кашнич, туз. 
Тайѐрланиши: 
Гўштни майда бўлакларга кесиб 3 литр сувга солиб пиѐз 
ва тўртбурчак қилиб тўғралган сабзи ва картошка билан бирга милтиратиб 
қайнатилади. Гулкарамнинг тўп гулини қўл билан майда бўлакларга узиб 
намакобга 2–3 дақиқа ботириб қўйилади. Сўнгра шўрвага солинади. Пишиш 
муддати 25–30 дақиқа. Тайѐр таомни косаларга солиб юзига қирқилган кўк пиѐз 
ва кашнич солиб дастурхонга тортилади. 
Г) Балиқ шўрва тайѐрлаш. 
Керакли масаллиқлар: 
Йирик балиқ 1 кг Майда балиқ 1–2 кг, картошка 
1–2 кг, бош пиѐз 3–4 дона, сабзи 2 дона. укроп 2 боғ, лавр япроғи 2 дона, 
сариѐғ, туз, мурч. 
Тайѐрланиши: 
Балиқ шўрва учун тоза тутилган сазан ѐки зоғора 

---

217 
 
балиқдан танланади. Балиқни тозалаб ювиб, майдасини эса бутунлигича 
қолдирилади. Балиқ катта-катта бўлакларга бўлинади. Идишга совуқ сув солиб 
оловга қўйилади. Қайнаб чиқишига оз қолганда майда балиқлар солинади ва 
қайнаб пишгандан сўнг шўрва докадан ўтказилади. Балиқчаларни қолдириб, 
шўрвасини яна идишга солиб оловга қўйилади. Кесилган балиқларни докага 
тугиб, шўрвага солиб жуда суст оловда қайнатилади. Шундай қилинганда балиқ 
бўлаклари титилиб кетмайди. Балиқ билан бирга шўрвага тўғралган пиѐз, 
картошка, сабзи, қирқилган укроп, мурч ва лавр япроғи солинади. Пишиш 
муддати 40–45 дақиқа. Қайнаганда таъбга кўра туз, ва қалампир солинади. 
Дастурхонга тортишда шўрвани косаларга, балиқлар эса ликопчага солиниб 
тортилади.
Д) Товуқ шўрва тайѐрлаш.
Керакли масаллиқлар: 
Товуқ 1 дона, бош пиѐз 2–3 дона, помидор 2–3 
дона, картошка 1–2 дона, сабзи 1 дона, лавр япроғи, туз ва ошкўк.
Тайѐрланиши: 
Товуқни яхшилаб тозалаб, қозонга совуқ сув солиниб 
товуқ бутунлигича солинади. Қайнаб чиққанида ҳосил бўладиган кўпиги олиб 
ташланади. Товуқ 45 дақиқа ҳил-ҳил пишади. Шўрвага ҳалқа-ҳалқа қилиб 
тўғралган пиѐз, сабзи, картошка ва помидор солинади. Лавр япроғи ва таъбга 
кўра туз солинади. Тайѐр бўлган шўрвани укроп, ошкўк ва кашнич билан 
безатиш мумкин.