Электр таъминоти ва электр тармоšлари

Ерга уланиши ёки ноль симига уланиши лозим бўлган қисмлар 
 
1.7.46. Мазкур Қоидаларнинг 1.7.33-бандига мувофиқ ерга уланиши ёки ноль симига уланиши керак бўлган қисмларга 
қуйидагилар кирадилар: 
1) электр машиналар, трансформаторлар, аппаратлар, ёритгичларнинг корпуслари (шунингдек мазкур Қоидаларнинг 
1.7.44 - бандига қаранг); 

---

34 
2) электр аппаратларнинг юритгичлари; 
3) ўлчов трансформаторларининг иккиламчи чулғамлари (шунингдек ЭҚТҚ нинг 3-бўлими 4-боби 3.4.23 ва 3.4.24-
бандларига қаранг); 
4) тақсимловчи шчитлар, бошқарув шчитлари, шчитчалар ва шкафларнинг каркаслари, шунингдек ечиладиган ва 
очиладиган қисмлар, агар уларга кучланиши 42 В дан юқори ўзгарувчан ток ёки 110 В дан юқори ўзгармас ток электр 
ускунаси ўрнатилган бўлса; 
5) тақсимловчи қурилмаларнинг металл конструкциялари, кабелларнинг металл конструкциялари, кабелларнинг металл 
улаш муфталари, куч ва назорат кабелларининг металл қобиқлари ва зирҳлари, симларнинг металл қобиқлари, электр 
симларининг металл эгилувчан қобиқлари ва қувурлари, шинали ўтказгичларнинг қобиқлари ва таянч конструкциялари, 
лотоклар, короблар, кабеллар ва симлар қотирилган тортиб қўйилган симлар, трослар ва пўлат тасмалар (металл қобиғи ёки 
зирҳи ерга уланган ёки ноль симига уланган кабеллар ётқазилган тортиб қўйилган симлар, трослар ва тасмалардан ташқари), 
шунингдек электр ускуналар ўрнатиладиган бошқа металл конструкциялар. 
6) умумий металл конструкцияларда, шу жумладан умумий қувурларда, коробларда, лотокларда ва х.к. ларда металл 
қобиғи ва зирҳи ерга уланиши ёки ноль симига уланиши лозим бўлган кабеллар ва симлар билан бирга ётқазилган 
кучланиши 42 В гача ўзгарувчан ток ва 110 В гача ўзгармас ток назорат ва куч кабеллари ва симларнинг металл қобиқлари ва 
зирҳи. 
7) кўчма ва суриладиган электр қабул қилгичларнинг металл корпуслари; 
8) станокларнинг, машиналарнинг ва механизмларнинг харакатланадиган қисмларида ўрнатилган электр ускуналар.
1.7.47. Ерга улаш ва ноль симига улаш қўлланилган хоналарда ва ташқи қурилмаларда, потенциалларни тенглаштириш 
мақсадида, қурилиш ва ишлаб чиқариш конструкциялари, барча мақсадлар учун ётқизилган стационар қувурлар, технологик 
ускуналарнинг металл корпуслари, кран ости ва темир йўл рельс йўллари ва бошқалар ерга улаш ёки ноль симига улаш 
тармоғига уланган бўлиши керак. Бунда, бирикмалардаги табиий контакт етарли ҳисобланади. 
1.7.48. Атайлаб ерга улаш ёки ноль симига улаш талаб этилмайди: 
1) ерга уланган (ноль симига уланган) металл конструкцияларда, тақсимлаш қурилмаларида, шчитларда, шкафларда, 
шчитчаларда, станоклар, машиналар ва механизмларнинг станиналарида ўрнатилган электр ускуналарнинг, аппаратларнинг 
ва электромонтаж конструкцияларнинг корпусларини, агар ерга уланган ёки ноль симига уланган асослар билан ишончли 
электр контакт таъминланган бўлса (истисно–ЭҚТҚ 7-бўлимининг 7.3-бобига қаранг); 
2) мазкур Қоидалар 1.7.46-бандининг 5-кичик бандида келтирилган конструкцияларни, агар ушбу конструкциялар билан 
уларнинг устига ўрнатилган ерга уланган ёки ноль симига уланган электр ускуна орасида ишончли электр контакт мавжуд 
бўлса. Бунда, ушбу конструкциялардан уларга ўрнатилган бошқа электр ускунани ерга улаш ёки ноль симига улаш учун 
фойдаланиб бўлмайди; 
3) барча турдаги изоляторлар армутураларини, тортқиларни, кронштейнларни ва ёритиш арматурасини, улар ХЛ ёғоч 
таянчларида ёки очиқ подстанцияларнинг ёғоч конструкциясида ўрнатилган бўлса, агар ушбу атмосфера ўта 
кучланишларидан химоя шартлари бўйича талаб этилмаган бўлса. 
Ёғоч таянч бўйича ерга уланган металл қобиқли кабель ёки изоляцияланмаган ерга уловчи сим ётқизилган бўлса, ушбу 
таянчдаги юқорида келтирилган қисмлар ерга уланиши ёки ноль симига уланиши керак; 
4) тақсимловчи қурилмалар камералари, шкафлар, тўсиқлар ва х.к. металл каркасларининг ечилувчи ва очилувчи 
қисмлари, агар ечиладиган (очиладиган) қисмларга электр ускуна ўрнатилмаган бўлса ёки кучланиши 42 В дан ортмаган 
ўзгарувчан ток, ёхуд 110 В дан ортмаган ўзгармас ток электр ускунаси ўрнатилган бўлса (истисно–ЭҚТҚ 7-бўлимининг 7.3-
бобига қаранг); 
5) қўш изоляцияли электр қабул қилгичлар корпуслари; 
6) металл скобалар, қотиргичлар, кабелларни механик химояси учун деворлардан ва тўсиқлардан ўтиш жойларидаги 
қувурлар бўлаклари ва шунга ўхшаш металл деталлар, шу жумладан деворлар, тўсиқлар ва қурилмаларнинг бошқа 
элементлари бўйлаб ётқизилган кабеллардан ёки изоляцияланган симлардан қилинган электр ўтказгичларнинг ўлчами 100 
см
2
гача бўлган чўзиқ ва шахобчаланиш коробкалари.