Oʻzbekiston respublikasi oliy va oʻrta maxsus ta’lim vazirligi buxoro davlat universiteti Buxoro tarixi kafedrasi oybek klichev

Eksponent
- oʻz asari, ishini namoyishga qoʻygan shaxs, tashkilot, buyum, 
mulk, xazina egasi, koʻrsatuvchi. 
Eksponat
- tomosha uchun qoʻyilgan va muzey ekspozitsiyasining asosi 
hisoblangan muzey ashyosidir. Muzey eksponati sifatida asl ashyolar bilan bir 
qatorda qayta tiklovchi (model, maketlar va h.k .) va ilmiy koʻmakchi materiallar 
(xarita, sxema, jadval va matnlar) boʻlishi mumkin. 
Ekskursiya
- ekskursovod boshchiligida jamoa boʻlib muzey, koʻrgazma 
va diqqatga sazovor yerlarni tanishtiruv, ilmiy va ta’limiy-tarbiyaviy maqsadlarda 
ma’lum bir yoʻnalish boʻyicha tomosha qilish. 
Etiketka
- bu predmet nomi va uning alohida belgilaridan tarkib topgan 
matn. U muallifi, tugʻilgan yili, joyi, asarning yaratilgan vaqti, materiali, hajmi, 
yaratilish usuli, tarixiy va memorial ahamiyati toʻgʻrisida qisqa ma’lumot beradi. 
Pastki qismida esa, eng muhimi, eksponatning asl yoki koʻchirma ekanligi haqida 
yoziladi. Agarda ekspozitsiyada asosan asl nusxalar qoʻyilgan boʻlsa, unda 
etiketkalarda faqatgina koʻchirmalarni koʻrsatish mumkin yoki aksincha (badiiy 
muzeylar uchun). 
Yigʻmajild - 
tashkilotning bir masala yoki faoliyatining biror tomoniga oid 
va jamlanib, alohida jildga solingan yoki muqovalangan hujjatlar toʻplami (yozma 
hujjatlarning saqlov birligi). 
Yigʻmajild (hujjat)lar roʻyxati
- saqlov birliklari hisob birliklari tarkibi va 
mazmunini ochib berish, ularninг fondlar ichida tizimlashtirilishi va hisobini 
mustahkamlash uchun moʻljallangan arxiv ma’lumotnomasi. 
Yigʻmajildlarni kartonlash
- yigʻmajildlarni arxiv shartli belgisiga muvofiq 
qalin qogʻoz, karton jildlarga joylashtirish. 
Yoʻl koʻrsatkich
- muayyan tartibda foydalanuvchining arxiv fondlari 
tarkibi va mazmuni bilan umumiy tanishtirishga moʻljallangan arxiv fondlari 
toʻgʻrisidagi ma’lumotlar mavjud boʻlgan arxiv ma’lumotnomasi.