«сарайшық» мемлекеттік тарихи-мәдени музей-қорығы атырау облысы білім беру басқармасының Әдістемелік орталығЫ

Өлкеміздегі жер-су атауының шығу тарихы туралы деректер 
Өлкеміздегі жер-су атауларының шығу тарихы туралы деректер баспасөз беттері 

---

53 
мен пайдаланылған әдебиеттерде көптеп кездесіп жүр.Сол деректерді сұрыптап 
нақтылап жеткізу мақсатында материалдарды салыстырғалы отырмын 
Адамның, елдің, жердің аттары мен атаулары жәй әншейін қойыла 
бермейді. Олардың әрқайсысының белгілі бір себебі, мағынасы бар. Атауларға 
үңілсек, тарих қойнауына тереңдеп кетеміз. 
Аққыстау 
- село, Исатай ауданының орталығы. Атырау қаласынан 
солтүстік-батысқа қарай 78км, Каспий теңізінен солтүстікке қарай 20 км жерде 
орналасқан. 1966 жылы құрылысы басталған «Атырау-Ақсарай» теміржолы 1971 
жылы пайдалануға берілгенде жергілікті станса ретіңде оған «Аққыстау» аты 
берілді. 1977 жылы Новобогат ауданы құрылғанда әкімшілік орталығы болды. 
Оған әуелі жұмысшы кенті, кейін село мәртебесі берілді. 
Аққыстау 
- 
Еділ-Жайық арасында мұнай өндірісінің өркендеуі ауданда Аққыстау деп 
аталатын қала үлгісіндегі сәнді кентті өмірге келтірді. Алдымен бұл елді 
мекеннің пайда болған тарихын айтқан дұрыс. Ол жерде ертеректе ешқандай 
тұрғын үй болмаған. Жиырмасыншы ғасырдың басына дейін теңіз суының 
астында жатырған ойлы-қырлы жазықтық екен. Сонау терістік тұстағы Жалтыр 
көлден аулаған балығымызды Манаштағы батағаға апарып тапсыру үшін осы 
жерлермен қайықпен жүретінбіз , деп еске алады Сидеғали Нұрманұлы есімді 
қариямыз. Ол кісі осы жерден туып- өскен адам. Колхоздың шаруашылығында 
еңбек еткен, ұзақ жылдар ферма басқарған. Жаңадан ел қоныстанған ауылға 
Аққыстау деп қойған да осы ақсақал. Ол жайында былай дейді : Кешегі Ұлы Отан 
соғысына дейін бұл ауылда төрт-бес қана шаңырақ отырды. Олар Нарын 
құмынан кәсіп іздеп көшіп келген отбасылар тұғын. Тіршілік тәлкегіне түсіп, 
әрлі-берлі көшіп-қонған үйлерді кім елейтін еді. Үркердей болған төрт-бес үйді 
біреулер «Тобыр ауылы» деп атай салған ғой. Колхоздар құрылған соң бұл елді 
мекенге сауылған сүттің қаймағын айыратын шағын зауыт орналастырылады. 
Оған жеке қыстау салып, сыртын тазалықтың белгісі деп ақтата қояды. 
Маңайындағы жыпырайған аласа үйлерге қарағанда зауыттың мекен-жайы 
алыста көзге түсіп, аппақ болып тұрған.