1-amaliy mashgʻulot. Kadrlar tayyorlash milliy dasturini amalga tadbiq etish jarayonida maxsus fanlarni oʻqitish metodikasi fanining oʻrni, predmeti, maqsad va vazifalari

---

1-amaliy mashgʻulot. Kadrlar tayyorlash milliy dasturini amalga tadbiq 
etish jarayonida maxsus fanlarni oʻqitish metodikasi fanining oʻrni, predmeti, 
maqsad va vazifalari. Davlat ta’lim standartlari, namunaviy va ishchi 
dasturlarning tuzilishi va mazmuni (4-soat)
Mashgʻulot maqsadi. 
Magistrant talabalarga maxsus fanlarni oʻqitish 
metodikasi fanining oʻrni, predmeti, maqsad va vazifalari hamda Davlat ta’lim 
standartlari, namunaviy va ishchi dasturlarning tuzilishi boʻyicha bilim, koʻnikma 
va malakalarini shaklllantirishdan iborat. 
Kerakli jihozlar va materiallar.
Kompyuter, videoproektor, amaliy va 
seminar mashgʻulotlar mazmunini ifoda etuvchi taqdimotlar, tarqatma materiallar 
Mashgʻulot mazmuni. 
Maxsus fanlarni oʻqitish metodikasi kursi 
magistratura bosqichidagi talabalarga, boʻlajak qishloq xoʻjalik mutaxassisi 
oʻqituvchilari va shu sohaning tadqiqotchilariga moʻljallangan boʻlib, ularning 
ijodiy imkoniyatlarini rivojlantirish, boʻlajak oʻqituvchilarga ayrim qishloq 
xoʻjalik fanlarining oʻqitilishiga oid ilmiy metodik tasavvurlar berish, bunda 
ularning oʻziga xos xususiyatlarini hisobga olish, qishloq xoʻjalik fanlarini 
oʻqitishdagi rang-barang shakl va usullar bilan tanishtirib, ularni mustaqil ilmiy 
pedagogik faoliyatga yoʻnaltirishni kuzda tutadi. 
Boʻlajak oʻqituvchilarning kasb sirlarini egallash, kasbiy mahorat hosil 
qilish va takomillashtirishlarida har bir predmetning oʻziga xos xususiyatlarini 
teran oʻrganish va oʻzlashtirish barobarida ular orasidagi predmetlararo aloqalar 
mohiyatini bilishi va oʻqitishda ularni e’tiborda tutishi ham muhimdir. Bu yerda 
qishloq xoʻjalik yoʻnalishidagi dehqonchilik, oʻsimlikshunoslik oʻquv predmetlari, 
shuningdek, psixologik va pedagogik yoʻnalishdagi fanlar nazarda tutiladi. 
Maxsus fanlarni oʻqitish metodikasi fani boʻlajak qishloq xoʻjalik fanlari 
oʻqituvchilarini oʻz sohalaridagi bir qator fan asoslarini oʻquvchilarga yetkazish 
metodikasi ustida bahs yuritadi.