1-mavzu: Kirish. «O‘zbekistonning eng yangi tarixi» o‘quv fanining predmeti, maqsadi va vazifalari, nazariy-metodologik tamoyillari. Reja

1. O‘zbekiston tarixini davrlashtirish masalasi.
O‘zbekiston tarixi 
umumjahon – insoniyat tarixining ajralmas qismi hisoblanadi. O‘zbekiston tarixi 
fani xalqimizning mustaqil taraqqiyot yo‘liga kirishi, mustaqillik yillarida milliy 
huquqiy davlatchilik qurilishi, demokratik fuqarolik jamiyatni shakllantirish, 
erkin bozor iqtisodiyotini yaratish, jahon hamjamiyatiga integratsiyalashish 
jabhalaridagi faoliyatini o‘rgatadi. Shu bilan bir qatorda bu fan xalqimiz tarixini 
haqqoniy tasvirlovchi, aks ettiruvchi ko‘zgu, ijtimoiy, siyosiy, tarbiyaviy, 
ma’naviy saboqlar majmuasidir.
Mustaqillik yillarida tarixchi olimlarimiz tomonidan birinchi Prezidentimiz 
Islom Karimovning «O‘zbekistonning yangi tarixini yaratish» kerakligi haqidagi 
metodologik va konseptual g‘oyalariga amal qilgan holda ko‘p ming yillik 
Vatanimiz tarixining ilmiy asoslangan davrlashtirilishi amalga oshirildi: 

Ibtidoiy – jamoa tuzumi;

Qadimgi davr: davlatchilikning shakllanishi va rivojlanishi;

O‘rta asrlar davri;

Turkiston Rossiya imperiyasi mustamlakachiligi davrida; 

O‘zbekiston sovetlar hokimiyati davrida; 

Mustaqillik davri; 
Eslatma: bu davrlarning har biri o‘z navbatida ma’lum bosqichlarga 
bo‘linadi. 
O‘zbekiston Respublikasining mustaqillik yillarida bosib o‘tgan yo‘lining 
mazmun-mohiyati va xususiyatlarini ob’yektiv baholagan holda mustaqillik davrini 
quyidagi ikki bosqichga bo‘lib o‘rganish maqsadga muvofiq bo‘lar edi.
1)
 
1991–2016-yillar.
2)
 
2017-yildan keyingi yillar.
Birinchi davr o‘z navbatida quyidagi bosqichlardan iborat: 
Birinchi bosqich 
— 1989-1991-yillar. XX asr 80-yillari o‘rtalarida 
respublika ijtimoiy-siyosiy, iqtisodiy va ma’naviy hayotidagi inqirozli holat. I.A. 
Karimovning respublika rahbari lavozimiga kelishi, o‘zbek tiliga davlat tili 
maqomini berilishi, «Mustaqillik deklaratsiyasi» qabul qilinishi va uning tarixiy 
ahamiyati, 1991 yil avgust voqealari. Sovet davlatining tanazzulga yuz tutishi kabi 
tarixiy voqealarni o‘z ichiga oladi.