O’zbekiston respublikasi oliy va o’rta maxsus ta`lim vazirligi namangan muhandislik-qurilish instituti yerusti transport tizimlari

2.3. Texnik tizimlar taraqqiyotiga bog’lik xukumat qaror va qonunlari
O’zbekiston Respublikasining «Avtomobil transporti to’g’risida»gi qonuni.
(1998yil 29-avgust)
O’zbekiston Respublikasining «SHahar yo’lovchilar transporti to’g’risida»gi
qonuni. (1997 yil 25-арге1ь).
O’zbekiston avtomobil transporti sohasida monopoliyadan chiqarish va
boshqaruvni tashkiliy tuzilmasini takomillashtirish chora-tadbirlari Prizidentning
2001 yil 4-iyundagi PF-2871 sonli farmoni va Vazirlar Maxkamasining 2001 yil
5-iyundagi 245-sonli qarori.
O’zbekiston Respublikasi Vazirlar Maxkamasining 1998 yil 11-iyundagi 296-sonli
«O’zbekiston avtomobil va daryo transporti agentligini tashkil etish
to’g’risida»gi qarori.

---

2.3.1.
«Avtomobil transporti to’g’risida»gi qonun.
Mazkur qonunning maqsadi O’zbekiston Respublikasida avtomobil transporti
faoliyatining huquqiy asoslarini shakllantirishdan iboratdir. Qonunda quyidagi
asosiy tushunchalar qo’llaniladi:
-avtomobil transporti tarkibiga yuridik va jismoniy shaxslar kiruvchi, iqtisodiyot
va aholining yo’lovchilari, bagaj va yuklarini, shu jumladan pochtani (yo’lovchi,
bagaj, yuk) avtomobilda tashishga bo’lgan extiyojlarni ta`minlovchi ishlab
chiqarish-texnologiya majmui;
-avtotransport vositalari-yo’lovchilar, bagaj, yuklar tashishga hamda maxsus
ishlarni bajarishga mo’ljallangan avtomobillar, shatakchi avtomobillar, tirkama va
yarim tirkamalar;
-tashuvchi-mulk huquqi yoki boshqa ashyoviy huquqlar asosida avtotransport
vositasiga ega bo’lgan, tijorat asosida yo’lovchilar, bagaj yuklar tashish xizmatini
ko’rsatadigan hamda bunga maxsus ruxsatnomasi (litsenziyasi) bo’lgan yuridik
yoki jismoniy shaxs;
-mijoz (yo’lovchi, yuk oluvchi, yuk junatuvchi)-tuzilgan tashish shartnomasiga
muvofiq tashuvchining xizmatlaridan foydalanuvchi yuridik yoki jismoniy shaxs;
Avtomobil transporti to’g’risidagi qonun xujjatlari ushbu qonundan va
boshqa qonun xujjatlaridan iboratdir.
Shahar yo’lovchilarini tashish sohasidagi munosabatlar O’zbekiston
Respublikasining «Shahar yo’lovchilar transporti to’g’risida»gi qonun bilan ham
tartibga solinadi. Yo’lovchilar, bagaj va yuklar tashish harakat xavfsizligini
ta’minlash qoidalari O’zbekiston Respublikasi Vazirlar Maxkamasi tamonidan
tasdiqlanadi. Agar O’zbekiston Respublikasining avtomobil transporti to’g’risidagi
qonun xujjatlarida nazarda tutilganidan boshqacha qoidalar belgilangan bo’lsa
xalqaro shartnoma qoidalari qo’llanadi. Qonun 31 ta moddadan iborat bo’lib unda
avtomobilda tashish turlari, litsenziyalash, standartlash, davlat qonuniyati mahalliy
organlarining asosiy vakolatlari, favqulotda holatlarda avtomobil transportining
ishi va xokazolardan tashkil topgan va Oliy Majlis qarori bilan 1998 yil 29-
avgustda tasdiqlangan.