Klinik laboraтoriya тekshirish usullari

Gemoglobinni sianmetgemoglobin usuli
bo‘yicha aniqlash
A. Zaruriy reaktiv va jihozlar: kapillar qon; 5 ml li reaktivli
probirkalar; probirkalar uchun shtativ; 0,02 ml li piрetkalar;
noksimon piрetka; tarkibida ma’lum miqdor gemoglobin bo‘lgan
nazorat namuna; gemoglobinometr/kolorimetr; kalibrovka jadvali;
chayish uchun ishlatiladigan suvli idish; kyuveta.
B. A n i q l a s h u s u l i :
1. Gemoglobinometrni tarmoqqa ulab, uning 540 nm ga
to‘g‘rilab qo‘yilganiga ishonch hosil qilinadi. 1 minutdan so‘ng,
etalondagi son ekranda hosil qilinadi.
2. 5 ml li reaktivli probirkalarga tekshiriladigan qon namu-
nalarining tartib raqamlariga qarab raqamlar qo‘yib chiqiladi.
3. Piрetkani 0,02 darajasigacha kapillar qon bilan to‘ldirib, unda
havo pufakchalari yo‘qligiga ishonch hosil qilinadi.
4. Piрetkaning tashqi tomonidagi qonni artib olinadi.
5. Piрetkadagi qon 0,02 darajada turganini tekshirib ko‘riladi.
6. Qonni reaktivli probirkaga tushirib, piрetkani uch marta
eritmada chayib olinadi.
7. Probirka 5 daqiqa tinch holatda saqlanadi.
8. Тoza kyuvetani yon tomonlariga barmoqlar tegmaydigan qilib
ushlanadi.
9. Kyuvetaga reaktiv (qonsiz reaktiv) quyib, uni gemo-
globinometrga qo‘yiladi va apparatni nol belgisiga keltirib qo‘yiladi.
10. Reaktivni to‘kib tashlab, kyuvetani suvda chayib olinadi.
11. Nazorat namunani kyuvetaga ichki devori bo‘ylab ohista
qo‘yiladi.
12. Kyuvetani gemoglobinometrga joylanadi.
13. Asbobning ko‘rsatgichlarini diqqat bilan o‘qib chiqiladi,
kalibrovka jadvali yordamida namunadagi gemoglobin kon-
sentratsiyasi aniqlanadi. Natija namunadagi gemoglobinning
ma’lum konsentratsiyasiga to‘g‘ri keladigan bo‘lishi kerak.
14. Bemor qoni namunasini ham xuddi shu tartibda tekshiriladi.
Navbatdagi tekshirishdan oldin kyuvetani suv bilan yuvib olinadi
(normal natijalar va patologiyani aniqlash uchun oldingi bo‘limga
(Sali usuliga) qarang).

---

106