Академик маҳмуд мирзаев номли боғдорчилик, узумчилик ва виночилик илмий-тадқИҚот институти

---

 
АКАДЕМИК МАҲМУД МИРЗАЕВ НОМЛИ БОҒДОРЧИЛИК, 
УЗУМЧИЛИК ВА ВИНОЧИЛИК ИЛМИЙ-ТАДҚИҚОТ 
ИНСТИТУТИ 
 
 
 
 
 
 
 
 
ЧИЛОНЖИЙДА (УНАБИ) 
ЕТИШТИРИШ 
ТЕХНОЛОГИЯСИ
 
 
 
 
 
 
 
 
Тошкент – 2015 йил 

---

 
Чилонжийда (унаби) агротехникаси 
Чилонжийда тез ҳосилга кирадиган мева дарахти. Меваларда кўп 
миқдорда С ва Р гуруҳига мансуб дармондорилар бор. Унаби экилгандан сўнг 
1-2 йилдан кейин ҳосилга кириб, 7-9 ѐшида бир туп дарахти 20-25 кг мева 
беради ва ҳосилдорлиги 80-100 цн етади, кейинчалик 120-150 цн ҳосил олса 
бўлади. 
Унаби бошқа мева турларига нисбатан совуқга, иссиқга ва 
қурғоқчиликка бардошли ўсимлик. 
Академик М.Мирзаев номли БУваВ илмий-тадқиқот институти 
Самарқанд филиалининг кўп йиллик тажрибалари унабини етиштириш 
иқтисодий самарадорлигини кўрсатди. 
Унабини хар хил тупроқ, иқлим шароитларига мослашувчанлиги сабаб 
суғориладиган ва шартли суғориладиган тоғолди ҳудудларида ҳам 
етиштириш мумкин. 
Ер танлаш
. Унаби Ўзбекистоннинг барча ҳудудларида ўсиб ҳосил 
беради. Ҳаттоки кам шўрланган сизот сувлари нисбатан яқин, лекин 2 м дан 
юқори бўлмаган тупроқларда, ориқ, сув билан яхши таъминланмаган, лекин 
жуда шўр ерларда унаби қийналиб ўсади, меваси майда, ҳосилдорлиги паст 
бўлади.
 
Тупроқни экишга тайёрлаш
. Тупроқга мева боғлари барпо этиш учун 
қандай тайѐрланса унабига ҳам шундай, 100-120 кг фосфор ўғити (таъсир 
қилувчи модда ҳисобида) солиниб, 30-35 см чуқурликда ҳайдалади. Органик 
ўғити қўшиб солинса яна ҳам яхши. 
Кўчатларни экиш
. Суғориладиган ўзлаштирилган ерларда 1 гектарга 
400 туп (экиш схемаси 5х5 м), ѐки 333 туп (6х5 м), унумдорлиги пастроқ, 
тошлоқ-қумлоқ, адир ерларда сал зичроқ (6х4 м) 417 туп, суғориш имконияти 
чегараланган ҳудудларда (5х4 м схемада) 500 туп экиш тавсия этилади. 
Экиш жараѐни бошқа мева дарахтлариникидай бўлади. Экиш узоғи 
билан 10 апрелгача тугатилиши керак.