Jamoat salomatligi, sog‘liqni saqlashni tashkil etish va boshqarish kafedrasi

Nogironlik mehnatda mayib bo‘lish oqibatida kelib chiqqan
deb hisoblanadigan nogironlik sabablari 
RO‘YXATI 
Agar nogironlikni keltirib chiqaruvchi jarohatlanish, zaharlanish, oftob urishi, 
kuyish, sovuq urishi, cho‘kish, elektr toki yoki yashin urishi, shuningdek, tabiiy 
ofatlar yoki avariyalar tufayli salomatlikning boshqacha shikastlanishi quyidagi 
hollarda sodir bo‘lsa (huquqqa qarshi xatti-harakatlardan tashqari) nogironlik 
mehnatda mayib bo‘lish tufayli sodir bo‘lgan deb hisoblanadi: 
-
mehnat vazifalarini bajarishda (shu jumladan xizmat safari vaqtida), 
shuningdek, korxona yoki tashkilot manfaatlari yo‘lida hatto maxsus 
topshiriqsiz biron ish bajarganda ham; 
-
korxona, tashkilot hududida yoki boshqa ish joyida ish vaqti davomida 
(belgilangan tanaffus vaqti ham shunga kiradi), shuningdek, ish boshlanishi 
yoki tugashi oldidan ishlab chiqarish qurollarini, kiyim-bosh va boshqalarni 
tartibga keltirish uchun zarur bo‘lgan vaqt davomida; 
-
ish vaqti davomida (belgilangan tanaffuslar ham shunga kiradi) korxona, 
tashkilot yoki boshqa ish joyi yaqinida, agar u erlarda bo‘lish ichki mehnat 
tartibi qoidalariga zid bo‘lmasa; 
-
ishga borayotganda yoki ishdan qaytayotganda; 
-
vaxtali shaharcha hududida vaxta-ekspeditsiya usuli bilan ishlaydigan va tabiiy 
ofat vaqtida smenali dam olishda bo‘lgan xodim bilan yuz berganda; 

---

61 
-
davlat yoki jamoat vazifalarini bajarishda, shuningdek, O‘zbekiston 
Respublikasi qonun hujjatlariga muvofiq belgilangan tartibda ro‘yxatga olingan 
jamoat tashkilotlarining topshiriqlarini (garchi bu topshiriqlar asosiy ish bilan 
bog‘liq bo‘lmasa ham) bajarishda; 
-
inson hayotini saqlab qolish, O‘zbekiston Respublikasi davlat va jamoat 
mulkini, fuqarolar mulkini, huquq-tartibotni qo‘riqlash bo‘yicha O‘zbekiston 
Respublikasi fuqarosi burchini bajarish vaqtida; 
-
ish kuni davomida ma’muriyatning (bo‘lim, bo‘linma, sex, uchastka 
rahbarlarining va shu kabilarning) xodimning vazifasiga kirmaydigan 
topshiriqlarini bajarish vaqtida; 
-
donorlik vazifalarini bajarish munosabati bilan.