1-илова “Заковат” интеллектуал ўйини Кодекси

1.1.9. Секундантлар 
Секундант вазифаси шу мусобақада ёки мусобақанинг шу турида 
билимдон сифатида иштирок этмаётган ҳар қандай шахсга юклатилиши 
мумкин. Ўйин давомида секундант бошловчи ёрдамчиси бўлиб, унинг 
кўрсатмаларини бажаради. 
Секундант вазифаларига қуйидагилар киради: 
•
саволлар учун иллюстрация материлларини тарқатиш; 
•
жавоб ёзилган карточкаларни йиғиш (секундантларнинг ушбу 
вазифаси 1.3.3.6 пунктида батафсилроқ ёзилган); 
•
ўйин давомида ушбу Кодекс талаблари ва мусобақа тартибига амал 
қилинишини жорий назорат қилиш. Хусусан, секундантлар 
жамоалардаги иштирокчилар сони 6 нафардан ошмаслиги ҳамда 
жамоалар саволни муҳокама қилиш қоидаларига амал қилишларини 
кузатадилар (1.3.3.5. параграфга қаранг).

---

Секундантнинг ҳаққи йўқ: 
•
тарқатилувчи материалга ёки йиғиб олинган жавоб ёзилган 
карточкаларга қандайдир тузатиш ёки ўзгартириш киритиш; 
•
ҳар қандай жамоага бошқа жамоалар томонидан берилган жавоблар 
тўғрисида маълумот бериш; 
•
жавоб ёзилган карточкаларни бошловчи, ЎҲ ва ТҚ аъзоларидан 
бошқаларга бериш ёки кўрсатиш. 
Агарда, секундант нуқтаи-назарига кўра, жамоа ёки билимдон ўйин 
қоидаларини бузган бўлса, секундант муайян сигнал (масалан қўлни кўтариш) 
орқали ЎҲ эътиборини тортади. Агарда қоидабузарлик муҳокама дақиқаси 
пайтида содир этилган бўлса ва белгиланган сигнал жамоаларга берилган 
саволни муҳокама қилишга халал берса, секундант муҳокама дақиқаси 
тугагандан сўнг ЎҲ эътиборини тортади. ЎҲ ҳодиса моҳиятини англаши, 
барча керакли маълумотларни қайд қилиши керак. ЎҲ қоидабузарларни 
жазолаш тўғрисидаги қарорни ўша вақтни ўзида ёки турдан кейинги 
танаффусда қабул қилади. 
Секундантлар, шунингдек ЎҲ га жамоа савол жавобини кеч 
топширганлиги тўғрисида маълум қилиши мумкин.
Ҳар бир секундантга 10 тадан ортиқ бўлмаган жамоа тўғри келиши 
тавсия қилинади. Мусобақа бошланишидан олдин ҳар бир жамоа маълум 
секундантга бирлаштирилиб қўйилиши мумкин. Мусобақа давомида 
бошловчи ёки ЎҲ қўшимча секундантларни жалб қилиши ёки маълум 
секундантни бир қанча жамоага бирлаштириш бўйича қарор қабул қилиши 
мумкин. 
Агар секундант зиммасига юкланган вазифаларни бажара олмаса, 
бошловчи ёки ЎҲ томонидан мусобақадан четлатилиши мумкин.