1-илова “Заковат” интеллектуал ўйини Кодекси

1.3.2.2. Савол раунди 
Савол раунди бирин-кетин турнинг барча саволлари учун ўтказилади. У 
батафсил 1.3.3. параграфида ёритиб ўтилган. 
1.3.2.3. Тур якуни 
Сўнги савол раундидан сўнг бошловчи танаффус давомийлиги ва 
кейинги тур бошланиш вақтини айтган ҳолда танаффус эълон қилади (агарда 
тур охиргиси бўлмаса). 
1.3.3. Савол раунди 
Ушбу параграфда “Заковат” бўйича мусобақадаги бир савол раундининг 
қоидалари келтириб ўтилади. Савол раунди давомида битта савол ёки битта 
блиц-савол ўйналади. 
1.3.3.1. Савол раундида воқеалар кетма-кетлиги 
Савол раунди қуйидаги қисмлардан ташкил топади: 
•
савол раунди бошланиши; 
•
иллюстратив материалларини тарқатиш ёки намойиш қилиш (агар 
мавжуд бўлса); 
•
саволни ўқиш; 
•
муҳокама дақиқаси; 
•
жамоалар жавобини йиғиш; 
•
жавобни эълон қилиш. 

---

Блиц-савол учун ўйин раунди 1.3.3.8. параграфида ёзилган махсус 
қоидалар бўйича ўтказилади. 
1.3.3.2. Савол раунди бошланиши 
Бошловчи томонидан навбатдаги саволнинг тартиб рақамини эълон 
қилиниши савол раундини бошланишига сигнал бўлади. 
1.3.3.3. Иллюстрация материалларини тарқатиш 
Саволда иллюстрация материалларнинг борлигини бошловчи уларни 
тарқатишни бошлашдан олдин эълон қилиши керак. 
Босма ёки бошқа иллюстрация материалларини тарқатиш секундантлар 
томонидан бошловчи кўрсатмасига биноан амалга оширилади. 
Тарқатиш ҳамма жамоалар иллюстрация материаллари билан танишиши 
учун тахминан бир ҳил вақт билан таъминланадиган тарзда ташкил қилиниши 
керак.
Иллюстрация материалларини тарқатмасдан, уларни бир ёки бир неча 
экран орқали ўйиннинг барча иштирокчиларига ўйин столини тарк этмасдан 
барча тафсилотлари билан кўриш имконини яратган ҳолда намойиш қилиш 
мумкин.