Microsoft Word navoiy favoidul kibar lotin ziyouz com doc

www.ziyouz.com
kutubxonasi 
339
TARJI’BAND
1
To xarobot aromen durdioshom,
Mastlig‘ birla ishim aysh mudom. 
Kim agar soqiyi mahvash tutsa
May quyoshini, to‘la aylab jom. 
Meni bu kufr tariqida bilib,
Keldilar boshima ahli islom. 
Qildilar shayxi riyoyig‘a zalil,
Beribon savmaa kunjida maqom. 
Shayxdin yetmadi nofi’ irshod,
Xilvat ichra dog‘i yuzlanmadi kom. 
Rindlar xidmatidin komim bu
Ki, fano kasbig‘a qilsam iqdom. 
Solsa may ko‘zgusida orazi aks,
Ko‘zguni aks ila qilsam oshom. 
Kuch bila tavba berib maykadadin
Chekdilar, zohir etib zulm tamom. 
Muddate ranju riyozat chektim,
Qilib o‘zumga tana’umni harom. 
Xonaqahda yoshurun boda ichib,
Ayladim dayr sari masti xirom. 
Yana mug‘ dayrig‘a kirdim sarmast,
May tut, ey mug‘bachae bodaparast! 
II
Kuydum ul husnn jahonorodin,
Uldum ul nuktai ruhafzodin. 
Ruhuma hol tag‘ayyur topti,
Ko‘rub ul naxli qadi ra’nodin. 
Bo‘ldi oshufta dimog‘img‘a futur,
Har dam ul turrai anbarsodin. 

---

Alisher Navoiy. Favoyid ul-kibar 
www.ziyouz.com
kutubxonasi 
340
Jong‘a xunobi halok o‘ldi nasib,
Ul iki la’li qadah paymodin. 
Vaslini har nechakim, tuttum umid,
Bo‘lmadi na’ravu vovaylodin. 
Toatu taqvo ila bo‘lmadi kam
Ishq oshubi meni shaydodin. 
Hushsiz bo‘ldi ko‘ngul jilva chog‘i
Ul iki orazi mahi siymodin. 
Dinu imonima ofat yetdi
Ul buti ishvagari tarsodin. 
Zuhd tuttumki, unutqaymen ani,
Kecha-kunduz qilibon haq yodin. 
Emdikim, zuhd ila ochilmadi ish,
Chiqibon savmaai taqvodin. 
Yana mug‘ dayrig‘a kirdim sarmast,
May tut, ey mug‘bachai bodaparast! 
III
Ishqdin ko‘nglum erur dard olud,
Hajrdin jonim erur g‘am farsud. 
Ul buti hur sifat shavqidin
Bo‘ldi nobud manga budu nobud. 
Olam ahli aro maqbul o‘lmoq
Ne osig‘, gar sanga bo‘lsam mardud. 
Kofiri ishq o‘lubon, dayr sari
Ayladim azmu bu erdi behbud. 
Bog‘labon rust belimga zunnor,
Ayladim mast but ollinda sujud. 
Boda, ey mug‘bachakim, dayr ichra
Budurur bazmim aro emdi surud. 
Charx emasturki, ul oy ishqidin
Chiqibon evruladur boshima dud. 

---

Alisher Navoiy. Favoyid ul-kibar 
www.ziyouz.com
kutubxonasi 
341
Vasling iqbolini taqvo yo‘lidin
Tiladim, tutmadi ul chunki vujud. 
Muni bilgach, yetibon mug‘bacha mast,
Boda tuttiyu bu erdi maqsud. 
Chun shuhud o‘ldi muyassar maydin,
Yor ham shohid edi, ham mashhud. 
Yana mug‘ dayrig‘a kirdim sarmast,
May tut, ey mug‘bachai bodaparast! 
IV
Menki, mug‘ dayri aro erdim shod,
Xotirim dag‘dag‘alardin ozod. 
Dayr piri karamidin xushnud,
Mug‘bacha ishvalarig‘a mu’tod. 
Kim, sanga bu kelishu ketmakdin
Ayshu ishrat xud emas erdi murod. 
Sayr bo‘ldi bari olamda ishim,
Ayog‘im ostida tay bo‘ldi bilod. 
Har tariq ahli sari yuz qo‘ydum,
Bas, parishonvashu oshufta nihod. 
Oqibat buyla parishonlig‘da,
May bila mug‘bachani aylab yod. 
Bu tana’umlar aro xotirima
Tushti andishai mabda’yu muod. 
Ma’rifat erdi g‘araz xilqatinga,
Manga ko‘nglum bu so‘z etkach irshod. 
Kimgakim, hol dedim, bor ermish
Anga ham ushbu alamdin faryod. 
Har necha sa’yni ko‘praq qildim,
Topmadi hech ishim oyini kushod. 
Yana mug‘ dayrig‘a kirdim sarmast,
May tut, ey mug‘bachai bodaparast!