1-мавзу: Технология фани Давлат таълим стандарти, ўқув дастури, дарслик ва методик қўлланмалари мазмуни

1.
 
Дарс таҳлилининг асосий таркибий қисмлари. 
Ўқитувчининг дарсини кузатиб, уни таҳлил этишда қуйидагиларга эътибор 
бериш мақсадга мувофиқ: 

ўқитувчининг дарсга қандай тайёргарлик кўрганлиги?
 

ўқитувчида дарснинг ўқув режаси ва мавзу бўйича турли 
ишланмаларнинг мавжудлиги; 

турли дидактик тарқатма материал ва кўргазмали қуролларнинг 
тайёрлиги.
Ўқитувчининг дарсга тайёргарлигини бутун машғулот давомида кузатиш ва 
таҳлил этиш лозим. 
Кузатилган дарсни таҳлил қилиш жараёнида биринчи бўлиб дарсни ўтган 
ўқитувчи ўзининг дарсига муносабатини билдиргани маъқул. 
Дарсга мақсад ва вазифаларининг қўйилиши 
Ўқитувчи ўтилиши лозим бўлган дарс мавзусига аниқ бир мақсад қўйдими? 
Мақсадни қанчалик тўғри қўйди? Мақсаднинг мазмун-моҳиятини очиб 
берувчи таълимий, тарбивий ва ривожлантирувчи вазифалар тўғри белгиландими?

Ташкилий ишлар таҳлили. Дарсни уюштириш. 
Машғулот ўтказиладиган хонанинг дарсга тайёрлиги, ўқувчиларнинг 
кайфияти ва соғлиги, ўқув хонаси ва столининг тозалиги, бўр ва намланган 
латтанинг борлиги, айрим сабабларга кўра дарсда қатнашмаётган ўқувчиларнинг 
исми ва шарифлари ёзилган варақчанинг ўқитувчи столига, шунингдек, 
ўқитувчининг ҳозирлигига ва унинг ташқи қиёфасига ҳам эътибор берилади. 
Маълумки, дарснинг таҳлил турлари қуйидагиларга бўлинади: 

---

216
Илмий таҳлил – 
берилаётган билимларнинг илмий-назарий жиҳатини, 
ўқувчи бажараётган мустақил ишнинг мақсадга мувофиқлигини аниқлаш 
демакдир.
Дарс кузатувчи, ҳар бир раҳбар дарснинг илмий таҳлилида қуйидагиларга 
эътибор бериши мақсадга мувофиқ: 
1. Ўқитувчининг илмий жиҳатдан (ўзи мутахассис бўлган фанни илмий 
асосда чуқур билиши ) қуролланганлиги.
2. Шу кунги дарсга илмий жиҳатдан тайёргарлик ҳолати.
3. Ўз мутахассислигига оид энг янги илмий-назарий ахборотлар билан 
қуролланиб бориши.
4. Дарс жараёнида илмий қоида ва таърифларнинг тўғри баён этилиши 
ҳамда илмий атамаларнинг ўқувчиларга сингдириб борилиши.
5. Дарсда таълимнинг ўзига хос хусусиятларининг ҳисобга олиниши.
6. Дарслик материалларининг қўшимча адабиёт материаллари билан 
бойитилиши.
7. Ўқувчи бажараётган лаборатория, амалий ҳамда мустақил ишларнинг 
илмий йўналиш бўйича мақсадга мувофиқлиги.
8. Ўқувчилар хулосасининг илмий жиҳатдан тўғри, қисқа ва мукаммал баён 
этилиши ҳамда уни ўқитувчи томонидан назорат қилиниши.
9. Дарс давомида, янги мавзуни баён этиш жараёнида таълим-тарбия билан 
боғланиши.
10.Ўқитувчи ва ўқувчилар нутқининг илмийлиги.