“Tálim sistemasında elektron tálim ortalıǵında islewdegi mashqalalar hám sheshimler”

“Tálim sistemasında elektron tálim ortalıǵında 
islewdegi mashqalalar hám sheshimler”
oyın metodlarınan paydalansaq boladı. Rolli oyınlar syujetleri haqıyqıy hám oylap tabılǵan 
qarım-qatnas waqıyaların súwretleydi. Oqıwshılar názerine turmıstan alınǵan, haqıyqıy 
jaǵdaylar usınılıwı kerek. Bular jasları boyınsha qatar adamnıń sáwbetlesiwi, nawqastıń 
másláhát alıw ushın shıpakerge jolıǵıwı, teatrda spektakl aldındaǵı jaǵday, qonaq qabıllaw, 
kitapxanadaǵı gúrrińlesiw hám t.b. sıyaqlı boladı. Oyın qatnasıwshıları birneshe toparlarǵa 
bólinip, berilgen waqıyanı ózleri qálegeninshe oynap kórsetedi. Hár bir waqıya oynap 
kórsetilgennen soń talqılanıp, eger bar bolsa qáteleri anıqlanadı yamasa hár bir waqıyaǵa 
sáykes qarım-qatnas waqıyaları boyınsha juwmaq shıǵarıladı.
Ayırım oyınlardıń arasındaǵı syujetli - rolli oyınnıń tutqan ornın belgiley otırıp, onıń bir 
neshe funkcionallıq ózgeshelikleri hám maqsetlerin atap kórsetemiz: 
1.
Bul oyınnıń eń áhmiyetli tárepi, onıń balalarǵa jańa emocionallıq jaqtan zárúr 
poziciyalardı iyelew hám sol arqalı, olardıń ózleri kirisetuǵın haqıyqıy iskerlikti ámelge 
asırılıwın ańsatlastırıw múmkinshiligin beriwinde.
2.
Syujetli-rolli oyınlardı ótkeriw kommunikativlik kompetenciyanıń qáliplesiwine 
múmkinshilik jaratadı, sebebi, bul oyın boyınsha oqıwshılar qarım-qatnası úylesimli hám 
tábiyiy bolıp keledi.
3.
Rolli oyınnıń bárha ózgerip turıwı onıń qatnasıwshılarınan óz kommunikativlik 
qábiletleri menen aldın qáliplesken kónlikpelerden paydalanıwdı talap etedi. Bul jeke sıpatlar 
menen kónlikpelerdi jetilistiriw hám olardı haqıyqıy, turmısta bolıp turatuǵın háreketlerge 
jaqınlastırıw múmkinshiligin beredi.
Solay etip, oyın metodları kommunikativlik kompetenciyalardı rawajlandırıwǵa járdem 
beredi, sebebi, qarım-qatnas barısında balalar bir-biri menen jańa bilimler menen bólisedi 
hám sol arqalı biliw procesi menen qorshaǵan ortalıq haqqında túsinigi bayıp baradı. Obrazlar 
dúziw hám olardı atqarıp shıǵıw qarım-qatnas kónlikpe hám tájiriybelerin shınıqtırıw ushın 
qollanılatuǵın kommunikativlik oyınnıń tiykarǵı bólekleri bolıp esplanadı. Oyın 
qatnasıwshılarınıń sóylesiwi hám is-háreketleri oyın aqırında analizlenedi. Birgelikte alıp 
barılǵan dialog yamasa poliloglarǵa barlıq klass oqıwshıları óz pikir-usınısların bildiredi.