“Tálim sistemasında elektron tálim ortalıǵında islewdegi mashqalalar hám sheshimler”

“Tálim sistemasında elektron tálim ortalıǵında 
islewdegi mashqalalar hám sheshimler”
Bul metodtıń abzallıǵı, tuwrıdan-tuwrı jámáátlik formada ilajı bolǵanınsha kóbirek 
pikirler toplawın támiyinleydi, topar bolıp bir mashqalanıń sheshimin tabadı.
Solay etip, aqılıy hújim waqtında qatnasıwshılar tema mazmunınan kelip shıqqan halda 
quramalı problemanı birgelikte sheshiwge umtıladı: olardı anıqlaw boyınsha óz pikirlerin 
bildiredi (generatsiya qıladı) hám bul pikirler sınǵa alınbastan olar arasınan eń muwapıǵı, 
nátiyjesi, maqulı hám oǵan usaǵan pikirler tańlap alınıp, talqılanadı hám rawajlanadı, bul 
pikirlerdi tiykarlaw hám biykarlaw imkaniyatları bahalanadı. 
 
Sonday-aq, patsha Rossiyasınıń Orta Aziyaǵa basqınshılıq siyasatı, sol dáwirlerdegi 
Orta Aziya xanlıqlarınıń jaǵdayın úyreniwde «SWOT»-analiz metodınan paydalansa boladı: 
Bul metod eń kóp hám túrli maqsetlerde qollanılatuǵın pedagogikalıq metodlardan biri bolıp 
esaplanadı. Bul metod járdeminde Orta Aziya xanlıqlarınıń Patsha Rossiyası basqınshılıǵı 
aldındaǵi
 
kúshli hám kúshsiz tárepleri, ishki hám sırtqı qá
w
ip-qáterler hám imkaniyatları 
úyreniledi. Bunda oqıwshılar sheshilip atırǵan wazıypanıń abzallıqların, yaǵnıy, kúshli 
táreplerin, maqsetke erisiwde ishki ortalıq faktorlarınıń tásirin kúshsiz tárep, belgilengen 
wazıypalardı sheshiwdegi eń qolaylı jaǵdaydı imkaniyat, xızmetti ámelge asırıwǵa tosqınlıq 
qılıwshı sırtqı ortalıq faktorların qáwip-qáter sıpatında bahalap, mashqalanıń hár bir tárepi 
boyınsha maǵlıwmatlardı analizlegen halda faktorlardı keltiredi.
SWOT-analiz metodı oqıwshılardıń oylaw, pikirlew qábiletin rawajlandıradi, 
waqıyalarǵa tariyxıy bilimleri tiykarında baha beriwge úyrenedi, analizlew kónlikpesi 
qáliplesedi. 
Sonday-aq, bul temanı úyreniwde «Mashqala» texnologiyasınan paydalansaqta boladı 
[4, Ishmuhamedov R., Yuldashev M. 38-b]. Sebebi, bul texnologiya oqıwshılardı oylawǵa, 
sın pikirlewge qaratılǵan bolıp, texnologiyadan paydalanǵanda oqıwshılarǵa kartina yamasa 
karikatura kórsetiledi, yaki tema mazmunı mashqalalı lekciya formasında túsindiriledi. 
Oqıwshılar berilgen maǵlıwmatlardan qanday mashqala súwretlengenligin tabadı hám 
atamasın qoyadı. Mashqaladan kelip shıqqan halda onıń kelip shıǵıw sebepleri, aqıbetleri 
haqqında pikir júrgizedi, usı mashqalanıń aldın alıw boyınsha sol dáwir kóz-qarasınan kelip 
shıqqan halda ózleriniń pikir, usınısların bildiredi.
Mashqalanı tómendegishe belgilew múmkin.