O'zbekiston respublikasi oliy va o'rta maxsus ta'lim vazirligi namangan davlat universiteti

damlama
tayyorlanadi. Yer ostki organlari - po’stlog’i, 
mevasi, urug’i va ba’zi qalin barglaridan 
qaynatma 
tayyorlanadi.
Zaharli bo’lmagan dorivor o’simliklardan damlama va qaynatma 1:10 
nisbatda tayyorlanadi, yahni og’irligi 10 qism mahsulotdan dokada siqib suzib 
olingandan so’ng hajmi 100 qism damlama yoki qaynatma olinishi kerak. 
Agar uy sharoitida damlama va qaynatmalar tayyorlaydigan bo’lsangiz, ular 
quyidagicha tayyorlanadi. Maydalangan o’simlikni sirli kastryulkaga solib, ustidan 
suv quyiladi. 100 ml damlama olish uchun 10 g maydalangan dorivor o’simlik 
mahsuloti va 100 ml hisobida suv solinadi. Kastryulkaning qopqog’ini yopib, 
kichikroq tog’oradagi qaynab turgan suvga qo’yib, 15 daqiqa qaynatiladi. Qaynatish 
vaqtida mahsulot tez-tez chayqatib turiladi. Keyin damlama uy haroratida 1 soat 
davomida sovutiladi. Doka yoki ip-gazlama o’ralgan paxta qatlamidan suzib 
o’tkazib, unga retseptda ko’rsatilgan hajmgacha qaynatilgan suv quyiladi. (Masalan, 
1:10 nisbatda olingan yig’madan 100 ml damlama olinishi kerak: agar damlama 90 
g bo’lib qolgan bo’lsa, u holda yana 10 ml suv qo’shish kerak).
Qaynatma ham damlama kabi tayyorlanadi, farqi shundaki, o’simlik 
mahsulotiga qaynab turgan suv quyilib, suvli idishga quyib yoki past olovda 20-30 
daqiqa qaynatiladi va sovugandan so’ng suzib olinadi.Suv hammomi o’rnida suv 
quyib qaynatilgan har qanday idishdan foydalanish mumkin. 
Damlama yoki qaynatma odatda ko’rsatilgan miqdorda sovuq yoki iliq holida 
ichiladi. Damlama va qaynatma odatda tez buzilib qoladi. SHuni uchun ularni har 
kuni tayyorlab yoki salqin qorong’u joyda saqlab 3 kungacha ishlatish mumkin. 
Dorivor o’simliklarning guruhlanishi. 
Dorivor o’simliklarning shifobaxsh 
bo’lishi ular tarkibidagi kimyoviy moddalarning turli-tumanligiga va shu 
moddalarning inson yoki hayvon organizmida kasallik tug’diruvchi manbalarga 
(zamburug’, bakteriya va viruslar) ta’sir etish samaradorligiga bog’liqdir. Dorivor 
o’simliklardan tayyorlanadigan dori-darmonlar organizmga ta’sir etish xarakteriga 
qarab, tinchlantiradigan, uxlatadigan, og’riq qoldiradigan, qon ketishni 
to’xtatadigan, 
karaxt 
qiladigan, 
qo’zg’atadigan, 
darmonsizlantiradigan, 
quvvatlantiradigan, qayd qildiradigan, yaralarni bitiradigan va antibiotik singari 
guruhlarga bo’linadi. Bu guruhlar vakillari haqida qisqacha to’xtalamiz.