Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 293-moddasi 2-qismida
jangovar navbatchilik (jangovar xizmat) 
o‘tash qoidalarini buzish uchun javobgarlik O‘zbekiston Respublikasiga 
to‘satdan qilingan hujumni o‘z vaqtida payqamaslik yoki daf etmaslik 
og’ir oqibatlar keltirishida ifodalangan. 
JK 293-moddasi 2-qismi
mazmunidagi 
og’ir oqibatlar
bevosita 
davlat xavfsizligini ta’minlash bo‘yicha jangovar navbatchilik vazifalari 
bilan bog’liq bo‘lmog’i lozim. Ularning mavjudligi to‘g’risidagi masala 
sodir etilgan jinoyatning aniq holatlarini hisobga olish bilan hal qilinadi. 
Bunday oqibatlar ostida respublika xavfsizligiga sezilarli yetkazilgan 
zararni tushunish lozim: hudud bo‘yicha respublika obyektlari bo‘yicha 
olovli zarbalar berish, davlat hududiga chet el jangovar samolyotlarini va 
kemalarining kirib borishi, jangovar texnikaning yo‘qotilishi, navbatchi 
kuchlar va vositalar tarkibidan odamlarning halok bo‘lishi va h.k. 
328 

---

Qonunda ko‘rsatilgan jangovar navbatchilik o‘tash qoidalari buzilishi 
natijasidagi oqibatlar kelib chiqqan vaqtdan jinoyatlar 
tugallangan
deb 
topiladi.
JK 293-moddasida
nazarda tutilgan jinoyatning 
subyektiv tomoni
jangovar navbatchilik o‘tash qoidalari buzilishiga nisbatan to‘g’ri yoki egri 
qasdning mavjudligi bilan tavsiflanadi, yo‘l qo‘yilgan qoida buzishlar 
oqibatlariga nisbatan ayb ehtiyotsizlik shaklida ifodalanadi. 
Motiv 
va
maqsad
har xil bo‘lishi mumkin, ammo jinoyatni kvali-
fikatsiya qilishga ta’sir qilmaydi. 
Jinoyatning 
subyekti
navbatchi kuchlar tarkibidagi harbiy xizmatchi 
bo‘ladi. 
Agar harbiy xizmatchi qonunga xilof ravishda harbiy xizmatga cha-
qirilgan bo‘lsa yoki zarur shartlarni buzgan holda navbatchi kuchlar 
tarkibiga tayinlangan bo‘lsa (harbiy qasamyod qabul qilishdan oldin, 
kasallik vaqtida, ushbu harbiy xizmatchi sodir etgan jinoyat bo‘yicha 
tergov o‘tkazilayotgan vaqtda va h.k.), bunday vaziyatlarda, qilmish uchun 
javobgarlik, bunday harbiy xizmatchini jangovar navbatchilik (jangovar 
xizmat) o‘tashga jalb etish to‘g’risida g’ayriqonuniy qaror qabul qilgan 
boshliq (komandir) zimmasiga yuklanadi.