Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 278-moddasi 3-qismi 
bilan kvalifikatsiya qilinishi uchun jabrlanuvchi qimor va tavakkalchilikka 
asoslangan boshqa o‘yinlarda ilgari ishtirok etgani ahamiyatga ega emas.
Yana shuni ham hisobga olish lozimki, ko‘rib chiqilayotgan norma 
ma’muriy preyuditsiyaga ega, ya’ni shaxs 
JK 278-moddasi 3-qismi 
bo‘yi-
cha javobgarlikka tortilishi uchun u yil davomida shunday harakatlar 
uchun O‘zMJTK 191-moddasi (Qimor va tavakkalchilikka asoslangan 
boshqa o‘yinlar) bo‘yicha javobgarlikka tortilgan bo‘lishi lozim. 
Subyektiv tomondan
voyaga yetmagan shaxsni qimor va 
tavakkalchilikka asoslangan boshqa o‘yinlarga jalb qilish 
to‘g’ri qasd
bilan sodir etiladi. Aybdor jabrlanuvchini o‘yinga jalb qilayotganini 
220 

---

anglaydi va buni istaydi. Jinoyatni sodir etish 
motivi
va 
maqsadi 
qilmishni kvalifikatsiya qilish uchun ahamiyatga ega emas.
Jinoyat
subyekti
– voyaga yetmagan shaxsni qimor va tavakkalchi-
likka asoslangan boshqa o‘yinlarga jalb qilayotgan 16 yoshga to‘lgan 
shaxs.
JK 278-moddasi 4-qismida
nazarda tutilgan jinoyatning 
obyektiv 
tomoni
qimor va tavakkalchilikka asoslangan boshqa o‘yinlarni tashkil 
etish yoki o‘tkazish uchun telekommunikatsiya tarmoqlarida, shu jumladan 
Internet jahon axborot tarmog’i provayderlari tomonidan xizmatlar ko‘r-
satish, tegishli dasturiy ta’minotdan nusxa ko‘paytirish, uni ko‘paytirish, 
tarqatish uchun ma’muriy jazo qo‘llanilganidan keyin sodir etilgan ayni 
shunday harakatlarda aks etadi.
Telekommunikatsiya tarmoqlari
aloqa liniyalari orqali axborotni 
uzatish uchun mo‘ljallangan texnologik tizim bo‘lib, unga kirish hisoblash 
texnikasi vositalari yordamida amalga oshiriladi.