Дўстов Ҳ. Б. Коррозиядан ҳимоя қилиш

. 
7. 
Металларнинг коррозион ёрилишига сабаб бўлувчи асосий омиллар. 
8. Металларнинг коррозион чарчаши сабаблари. 
9. Материалларни синашнинг асосий усуллари 
10. 
 
Материалларни коррозиянинг локал кўринишларига қарши чидамлиликка 
синаш. 
11. Материалларнинг коррозион-механик таъсирларга чидамлилигини синаш. 

---

128 
VI БОБ. 
ТАБИИЙ ВА ТЕХНОЛОГИК МУҲИТЛАРДА МЕТАЛЛАР 
КОРРОЗИЯСИ 
 
6.1. Табиий муҳитларда металлар коррозияси. 
Машиналар, аппаратлар ва металлконструкциялар ўзининг вазифасига 
кўра табиий ёки саноат муҳитларда ишлайди. Технологик муҳитларнинг 
характери коррозион жараёнларнинг қонуниятларига сезиларли таъсир қилади 
ва металларни коррозиядан ҳимоя қилишдек асосий муҳандислик масаласини 
ҳал қилишда турли қарорлар қабул қилишни тақозо қилади.
Ушбу бобда қабул қилинган синфлашга мос ҳолда табиий шароитларда 
кечадиган коррозия жараёнларининг асосий қонуниятлари кўриб чиқилади. 
Булар атмосфера, тупроқ ва денгиз коррозияси жараёнларидир. 
Кимёвий ишлаб чиқаришдаги технологик муҳитлар кўп қирралилиги, 
коррозион-актив компонентларнинг хилма-хиллиги билан ажралиб туради ва 
ҳар бир ҳол учун алоҳида ёндошувни талаб қилади. Шунинг учун китобнинг 
бу қисмида машина ва жиҳозлар конструктив факторларининг коррозион 
емирилиш ривожланишига таъсири, металл ва қотишмаларнинг ўзига хос 
деструктив ўзгаришларига сабаб бўлувчи газ коррозиясининг баъзи 
кўринишлари каби умумий масалалар кўриб чиқилади.
Кўпгина металлоконструкциялар табиий муҳитларда, жуда кўп пўлат 
иншоотлар атмосфера шароитларида эксплуатация қилинади. Магистрал ва 
кон қувур ўтказгичлари, сув қувурлари, нефт ва газ конлари қудуқларининг 
колонналари ер остида ишлатилади. Ер остида ишлатиладиган пўлатнинг 
умумий массаси 200 млн тоннадан ортади. Тупроқ коррозиясига маҳкум 
бўлган пўлат иншоотларининг умумий сирт юзаси 1,5 миллиард м
2
дан 
зиётдир. 
Портлар, причаллар, кемалар ва шу кабиларнинг металл конструкция-
лари денгиз суви билан доимий контактда бўлиб, шўр сув коррозиясига 
учрайдилар.
Табиий шароитдаги коррозия жараёнларининг барчаси электрокимёвий 
механизм бўйича кечади. Бироқ, ҳар бир табиий муҳит ўзига хос хусусиятга 
эга.