A. R. Babajanov, A. M. Muqumov, Z. X. Xafizova yerdan foydalanishda integratsion boshqaruv

ko‘chmas mulkka bo‘lgan huquqlar va u haqda tuzilgan bitimlarning davlat 
reestri
— ko‘chmas mulk va ularga bo‘lgan huquqlar to‘g‘risidagi ma’lumotlarning, 
huquq egalarining tizimga solingan jamlamasi, u ko‘chmas mulk ob’ektining 
o‘rnashgan joyi bo‘yicha tuman (shahar) chegarasida yuritiladi; 

---

279 
ko‘chmas mulkka bo‘lgan huquqlarning cheklanishi
— ko‘chmas mulk 
ob’ektining mulkdori bo‘lmagan shaxslarning (ipotekaga oluvchilar, ijaraga 
oluvchilar, kreditorlar va boshqalarning) unga bo‘lgan mulkiy huquqlari; 
qishloq xo‘jalik yerlari 
– qishloq xo‘jaligi ahamiyatidagi yerlarning bevosita 
qishloq xo‘jalik mahsulotlari ishlab chiqarish uchun yoki em-xashak bazasi sifatida 
foydalanilayotgan yohud foydalanilishi lozim bo‘lgan asosiy qismi; Qishloq xo‘jalik 
yerlari haydaladigan yerlar, ko‘p yillik daraxtzorlar, bo‘z yerlar, pichanzorlar va 
yaylovlardan tashkil topadi; 
qonun-
davlatning oliy vakolatli organi tomonidan maxsus tartibda qabul qilinib 
jamiyatdagi eng muhim ijtimoiy munosabatlarni tartibga solishga qaratilgan 
normative-huquqiy hujjat; 
huquq egasi
— bitim asosida yoki qonun hujjatlarida nazarda tutilgan boshqa 
asoslar bo‘yicha ko‘chmas mulkka bo‘lgan huquqqa ega yuridik va jismoniy shaxs; 
ro‘yxatdan o‘tkazish yig‘imi
— ko‘chmas mulkka bo‘lgan huquqlarni davlat 
ro‘yxatidan o‘tkazish uchun qonun hujjatlarida belgilangan to‘lovlar; 
inshoot
- har xil turdagi ishlab chiqarish jarayonlarini bajarishga, materiallar, 
buyumlar, asbob-uskunalarni saqlashga, odamlarning vaqtincha bo‘lishiga, odamlar, 
yuklar va boshqa narsalarni olib o‘tishga mo‘ljallangan, tayanch, to‘sma yoki har 
ikkala maqsadga xizmat qiluvchi konstruksiyalardan iborat hajmiy, yassi yoki chiziq 
tarzidagi qurilish tizimi;