A. R. Babajanov, A. M. Muqumov, Z. X. Xafizova yerdan foydalanishda integratsion boshqaruv

yer uchastkasi bilan bog‘liq bitimlar 
– jismoniy va yuridik shaxslarning yer 
uchastkalariga bo‘lgan huquqlarini belgilash, o‘zgartirish yoki bekor qilishga 
qaratilgan harakatlari; 
kadastr yig‘ma jildi
— ob’ektning ko‘chmas mulkka bo‘lgan huquqlarni 
shakllantirish, hisobga olish va keyinchalik davlat ro‘yxatidan o‘tkazish uchun zarur 
bo‘lgan kadastr suratiga olish, texnik invetarizatsiya qilish va pasportlashtirishning, 
maxsus tekshirish va izlanishlarning, sifat va qiymat jihatdan baholashning hujjatlari, 
materiallari va ma’lumotlari jamlamasi; 
kadastr plani
— ko‘chmas mulk ob’ektining o‘rnashgan joyini, chegaralarini, 
binolar, inshootlar va boshqa topografik elementlarini aks ettiruvchi, umumiy qabul 
qilingan shartli belgilarda tuzilgan chizma hujjat; 
kadastr raqami
— yer uchastkasi, bino, inshootning o‘ziga xos, O‘zbekiston 
Respublikasi hududida takrorlanmaydigan raqami, u ko‘chmas mulkni 
shakllantirishda qonun hujjatlarida belgilangan tartibga muvofiq beriladi, va u 
ro‘yxatdan o‘tkazilgan huquqning yagona ob’ekti sifatida mavjud bo‘lishi davrida 
saqlab qolinadi; 
ko‘p yillik daraxtlar
— bog‘lar, tokzorlar, tutzorlar va boshqa o‘rmon 
daraxtlari; 
ko‘chmas mulk
— yer uchastkalari, yer osti boyliklari, binolar, inshootlar, 
ko‘p yillik dov-daraxtlar va yer bilan uzviy bog‘langan boshqa mol-mulk, ya’ni 
belgilangan maqsadiga nomutanosib zarar etkazmagan holda joyini o‘zgartirish 
mumkin bo‘lmaydigan ob’ektlar; 
ko‘chmas mulkka bo‘lgan huquqlarni davlat ro‘yxatidan o‘tkazish
— 
yuridik va jismoniy shaxslarning jumladan bitimlar asosida yuzaga keladigan 
ko‘chmas mulkka bo‘lgan huquqlarining vujudga kelganligini, boshqa shaxsga 
o‘tganligini, cheklanishini (yuklanishini), bekor bo‘lishini tan oladigan hamda 
tasdiqlaydigan huquqiy harakat;