M. A. Xujamberdiyev

13-masalaga javob. 
1. Bemor D. da ko‘proq o‘pka raki bilan plevra karsinomatozi yoki 
mezateliomasi (ekssudat ko‘pligi uchun) borga o‘xshaydi. Bu tashxisni plevra bo‘shlig‘iga tez 
suyuqlik yig‘ilishi ham tasdiqlaydi. Yana yurak yetishmovchiligi (EKG ritmi to‘g‘ri, boshqa 
yurak yetishmovchiligi belgilari yo‘q) va jigar sirrozi belgilarining (kichik jigar belgilari, portal 
gipertenziya, taloqning kattalashishi) bo‘lmasligi tashxisning to‘g‘riligini tasdiqlaydi. 
Kasallikning sekin boshlanishi, isitma va zaharlanish belgilarining yo‘qligi o‘pka pastki bo‘lagi 
pnevmonnyasi yo‘qligini ko‘rsatadi. 
2. Hansirash va havo yetishmovchiligining kuchayishi plevra punksiyasiga hayotiy 
ko‘rsatma hisoblanib, plevra bo‘shlig‘idagi suyuqlikni tezlik bilan chiqarib tashlash va 
suyuqlikni atipik hujayralarga tekshirishni takozo etadi. 
14-masalaga javob. 
1. Bemorda kasallikning ikkinchi haftasida plevra va perikard 
bo‘shlig‘ida suyuqlik yig‘ilishi, bo‘g‘imlarida og‘riq bo‘lishi, qonda eoziofillarning ko‘payishi 
«infarktdan keyingi sindrom» (Dressler sindromi)ga xosdir. Bu sindrom miokard infarktining 
o‘tkir bosqichi o‘tgandan keyin boshlanib, bunda plevrit, perikardit va pnevmoniya kuzatiladi. 
Yana bemorda qon tuflash va ECHT ning ortishi kuzatilishi mumkin. Bu sindrom asosida 
organizmda nospetsifik immunli jarayonlar (organizm reaksiyasi natijasida seroz to‘qimalarda) 
yotadi. Kasallangan yurak to‘qimalariga sensibilizatsiyalashgan reaksiya bo‘ladi. 
Dressler sindromini qaytalangan miokard infarktidan, o‘tkir pnevmoniya, bakterial 
endokardit, O‘pka arteriyasi tromboemboliyasidan ajrata bilish kerak. Agar EKG da siljish 
bo‘lmasa, rentgen ko‘rsatkichlari, auskultatsiya belgilari, antibiotiklar bilan davolanganda foyda 
bo‘lmasligi va glyukokortikoidlar berganda ahvolning yaxshilanishi tashxisni to‘g‘ri ekanligini 
tasdiqlaydi. 
2. Dressler sindromida glyukokortikoidlar yaxshi ta’sir qilib, yallig‘lanish jarayonlari 
tezlik bilan yo‘qola boshlaydi. Ko‘pincha glyukokortikoidlar oz miqdorda (15—20 mg dan) 
nosteroid dorilar bilan birga yoki alohida beriladi.