Аграр тармоқ иқтисодий салоҳиятини оширишда институционал ислоҳотлар ва

 
53 
кишилар, 3-гуруҳ ногиронлари киради. 
Меҳнат ресурсларидан фойдаланишнинг асосий кўрсаткичи уларнинг 
миллий иқтисодиётда иш билан бандлигида ифодаланади. Иш билан бандлик 
- бу иқтисодий фаол аҳолининг қонун ҳужжатларига мувофиқ, даромад 
келтирадиган фаолиятга эга бўлишидир. Ўзбекистон Республикасининг 
«Аҳолини иш билан таъминлаш тўғрисида»ги Қонунининг 2-моддасига 
асосан иш билан таъминлаш – фуқароларнинг қонун ҳужжатларига зид 
келмайдиган, ўз шахсий ва ижтимоий эҳтиёжларини қондириш билан боғлиқ 
бўлган, уларга иш ҳақи (меҳнат даромади) келтирадиган фаолиятидир [2]. 
Мамлакатимизда меҳнат бозорининг умумий ҳолати, унда меҳнат 
ресурсларининг оқими, мобиллиги ҳамда қўнимсизлиги, шунингдек, 
малакаси ва рақобатни доимий равишда таҳлил қилиб бориш орқали 
ижтимоий муаммолардан энг асосийси ҳисобланадиган бандлик муамосини 
ҳал этиш имконияти яратилади. Республикамизда меҳнат ресурсларининг 
ўзига хос бўлган жиҳатларидан бири шундаки, унга кўра иқтисодиёт 
тармоқларида молиббик даражаси юқори.
Айниқса бу қишлоқ хўжалигида ёққол намаён бўлади. Бу ушбу 
тармоқнинг мавсумийлик хусусияти билан бевосита боғлиқ. 
Республикамизда сўнгги 5 йилда меҳнат ресурсларининг иқтисодиёт 
тармоқлари кесимида тақсимланишини кузатадиган бўлсак, 2016 йилда жами 
14022,4 минг нафар иқтисодий фаол аҳоли мавжуд бўлган бўлса, 2018 йилга 
келиб 14162,6 минг нафарни ва 2020 йилда 14797,9 минг нафарни ташкил 
этмоқда. Шундан иш билан таъминланганлари эса, 2016 йилда жами 13298,4 
минг нафар иқтисодий фаол аҳоли мавжуд бўлган бўлса, 2018 йилда 13421,2 
минг нафарни ва 2020 йилда эса 13239,6 минг нафарни ташкил этмоқда
(1-жадвал). Расмий статистик рақамлардан кузатишимиз мумкинки, 
мамлакатимизда мавжуд иқтисодий фаол аҳолининг аосий қисми (89,8 
фоизи) иш билан таъминланган.
1-жадвал
Республикамизда меҳнат ресурсларининг иқтисодиёт тармоқлари