Аграр тармоқ иқтисодий салоҳиятини оширишда институционал ислоҳотлар ва

 
 
 
 
 
 
 
 

---

 
229 
ЧОРВАЧИЛИКНИ РИВОЖЛАНТИРИШНИНГ АСОСИЙ 
ЙЎНАЛИШЛАРИ
 
Р. Хакимов – 
ТИҚХММИИ, и.ф.н., доцент
Ж. Балташев
 - Бердақ ҚДУ таянч докторант
Ўзбекистон Республикаси иқтисодиётининг барча тармоқ ва соҳаларида, 
жумладан, мамлакатнинг қадимий ва асосий тармоқларидан бири бўлган 
қишлоқ хўжалигида ҳам кенг қамровли иқтисодий ислоҳотлар амалга 
оширилмоқда. Олиб борилаётган ислоҳотлардан мақсад, тармоқда бозор 
муносабатларини кенг жорий этиш ва ривожлантириш орқали тармоқнинг 
жадал ва барқарор ривожланишини, рақобатбардошлигини таъминлаш, аҳоли 
тушмуш шароитини юксалтириш, меҳнат ресурсларини бандлик даражасини 
ошириш, мамлакат озиқ-овқат хавфсизлигини кафолотли таъминлаш, 
тармоқнинг экспорт салоҳиятини шакллантириш ва оширишдир.
Қишлоқ хўжалиги Ўзбекистон Республикасининг тарихан узоқ 
даврлардан берини шаклланган йирик тармоқларидан бири бўлиб, 
мамлакатда олиб борилаётган ижтимоий-иқтисодий ислоҳотларнинг 
муваффақияти кўп жиҳатдан шу тармоқдаги ижобий ўзгаришлар билан 
боғлиқ. Ўзбекистон Республикасида қишлоқ хўжалиги маҳсулотлари ишлаб 
чиқариш ҳажми кейинги 3 йилда юқори бўлмасада ижобиий ўсиш 
тенденциясига эга. 2018 йилда жорий баҳоларда мамлакатнинг қишлоқ 
хўжалиги тармоғида 192,7 трлн.сўмлик қишлоқ хўжалиги маҳсулотлари 
ишлаб чиқарилган бўлса бу кўрсаткич 2020 йилда 249,8 трлн.сўмни ташкил 
этди ёки қишлоқ хўжалиги ялпи маҳсулотининг ҳажми 29,63 фоизга 
ошганлигини кўриш мумкин. Бу жуда катта ўсиш ҳисобланади, лекин 
кейинги йилларда турли объектив сабаблар оқибатида юз бераётган 
инфляция жараёнинг таъсирни ушбу рақмларда кўриш имкони йўқ.