Tizimli tahlil va loyihalashtirish

1-MAVZU. FANGA KIRISH
1.1. “Tizimli tahlil va loyihalashtirish” fanini asosiy
tushunchalari, mohiyati va vazifalari
Insoniyatning XXI asrga kirib kelishi jamiyat hayotining hamma sohalarida 
axborot texnologiyalarini jadal rivojlanishi bilan chambarchas bog’liqdir. Axborot 
tobora ko’p jihatdan davlatning strategik resursi, ishlab chiqaruvchi kuchi va 
qimmatbaho mahsuloti bo’lib bormoqda.
Tizim nazariyasini o’zlashtirmoqchi bo’lgan har bir shaxs avval, tushuncha 
noaniqlik muammosiga duch keladi. “Tizimli yondashuv”, “tizim nazariyasi”, “tizimli 
tahlil” kabi tushunchalar ko’plab adabiyotlarda qo’llaniladi. Bu tushunchalarni bir 
biridan ajratish qiyin, aksariyat hollarda sinonim kabi talqin qilinadi. 
“Tizimli tahlil va loyihalashtirish” fanining mohiyati axborot tizimlarini 
loyihalashtirish va ishlab chiqishda boshqaruv jarayonlarini tizimli yondashuv asosida
tahlil qilish, boshqaruv funktsiyalarni aniq ajratib olish va avtomatlashtirilgan holda 
amalga oshirishdan iboratdir. 
Hozirgi kunda nafaqat ta’lim sohasiga, balki milliy iqtisodning barcha 
tarmoqlariga Internet, elektron tijorat, elektron biznes, virtual tijorat, virtual ta’lim, 
masofaviy o’qitish, virtual stend texnologiyalari keng ko’lamda kirib kelmoqda. 
Axborot-kommunikatsiya texnologiyalarining hayotimiz barcha jabhalariga 
kirib kelishi biznes va ta’limni yo’lga qo’yish mexanizmlarini tubdan o’zgartirib 
bormoqda. Shuni ta’kidlash kerakki, jahon iqtisodiyotining globallashayotganida 
Internet orqali ta’lim xizmatlarini taklif etish borasida mehnat bozorining hajmi 
cheksizdir.
Fanni o’qitilishidagi asosiy vazifalar quyidagilardan iborat: boshqaruv 
jarayonlarini tizimli yondashuv asosida tahlil qilish; avtomatlashtirilgan axborot 
tizimlarida iqtisodiy masalalarni loyixalashtirish texnologiyasini o’zlashtirish;
zamonaviy loyixalashtirish usul va vositalarining imkoniyatlari bilan tanishtirib 
chiqishdir.

---

14