1-боб. Умумий қоидалар 1-модда. Ушбу Қонуннинг мақсади ва асосий вазифалари

45-модда. Аризачи томонидан хатоларни бартараф этиш ва етишмаѐтган 
ҳужжатларни тақдим этиш 
Агар аризада тўғрилаш мумкин бўлган хатолар мавжуд бўлса, маъмурий орган 
уларни тўғрилаш учун аризачига имконият ва муддат беради. 
Олдинги
 таҳрирга қаранг. 
Агар аризага доир иловада қонунчиликка биноан талаб қилинадиган ѐки аризачи 
ҳавола қилаѐтган ҳужжатлар мавжуд бўлмаса, уларсиз маъмурий ҳужжатни қабул қилиш 
имкони бўлмаган тақдирда, маъмурий орган аризачига етишмаѐтган ҳужжатларни тақдим 
этиш имкониятини, бунинг учун муддат белгилаган ҳолда, бериши керак. 
Хатоларни бартараф этиш ва етишмаѐтган ҳужжатларни тақдим этиш учун 
маъмурий орган томонидан белгиланадиган муддат, агар қонунчиликда бошқача қоида 
назарда тутилмаган бўлса, беш иш кунидан кам бўлмаслиги лозим. Маъмурий орган 
аризачининг илтимосномасига биноан ушбу муддатни беш иш кунидан кам бўлмаган 
муддатга узайтириши керак. 
(45-модданинг иккинчи ва учинчи қисмлари Ўзбекистон Республикасининг 2021 йил 21 
апрелдаги ЎРҚ-683-сонли 
Қонуни 
таҳририда — Қонунчилик маълумотлари миллий базаси, 21.04.2021 
й., 03/21/683/0375-сон)
Маъмурий иш юритиш муддатининг ўтиши хатоларни бартараф этиш ва 
етишмаѐтган ҳужжатларни тақдим этиш вақтида тўхтатиб турилади. 

---

46-модда. Манфаатдор шахснинг аризасини тааллуқлилиги бўйича ваколатли 
маъмурий органга юбориш 
Олдинги
 таҳрирга қаранг. 
Талаб қилинаѐтган маъмурий ҳужжатни қабул қилиш ўз ваколатига кирмайдиган 
маъмурий органга келиб тушган ариза қонунчиликка мувофиқ маъмурий ишларни кўриб 
чиқишга ваколатли бўлган маъмурий органга кўпи билан беш кунлик муддатда юборилади 
ва бу ҳақда аризачига хабар берилади. 
(46-модданинг матни Ўзбекистон Республикасининг 2021 йил 21 апрелдаги ЎРҚ-683-сонли 
Қонуни 
таҳририда — Қонунчилик маълумотлари миллий базаси, 21.04.2021 й., 03/21/683/0375-сон)