Эргаш Ғозиев

 
инкор қилиш қобилиятини тараққий эттиради. 
Шундай қилиб, таълим жараёнида турли фанларнинг
 
ўқитилиши 
туфайли, кенг кўламдаги билим системасининг ўзлаштирилиши орқали 
ўқувчиларда 
тафаккур 
жараёнининг 
активлиги, 
мустақиллиги, 
мазмундорлиги, маҳсулдорлиги каби сифатлари ривожланади ва унинг 
ижодий, назарий шакллари янада ўсади. Бу ёшдаги ўқувчиларда нарса ва 
ҳодисаларни абстракциялаш ва умумлаштириш юқори босқичга кўтарилади. 
Улар теварак-атрофдаги воқелик тўғрисида ҳақиқий ҳукмлар, омилларга 
асосланган хулосалар чиқариш билан бошқа ёшдаги ўқувчилардан кескин 
фарқ қилади. Ўқитиш жараёнида уларда назарий, ижодий, маҳсулдор, визуал, 
сўз-мантиқ тафаккур таркиб топади Шу сабабли, воқеликнинг ички 
боғланишлари, муносабатлари, жамият тараққиёт қонунларини билиш ва 
англаб олиш уқуви юқори тараққиёт поғонасига кўтарилади. Мустақил фикр 
юритиш методикаси ва техникаси вужудга келади, билим олиш кўникмаси 
пайдо бўлади. Буларнинг барчаси илк ўспиринларда тафаккурнинг ўсиши 
учун ҳам объектив, ҳам субъектив шарт-шароитлар яратади. 
ЕТТИНЧИ БОБ 
ЎСПИРИНЛИК ДАВРИНИНГ ПСИХОЛОГИК ХУСУСИЯТЛАРИ 
Ҳозирги энг долзарб муаммолардан бири олий ўқув юртларидаги 
таълим-тарбия ишлари самарадорлигини кескин оширишдан иборатдир. 

---

198 
Чунки республикамизнинг ривожи, равнақи ва истиқболи кўпроқ олий 
мактаб тайёрлаётган мутахассисларнинг маҳоратига боғлиқдир. Шунинг 
учун ўқитишнинг янги илғор, фаол усулларини қўллаш, оқилона 
воситалардан фойдаланиш
мақсадга мувофиқдир. 
Олий ўқув юртларидаги таълим-тарбия жараёнларини самарали амалга 
ошириш учун талабалар билан ўқитувчилар ўртасида узлуксиз таъсир 
ўтказиш ҳукм суриши лозим. 
Ўқитувчи билан талабанинг ҳамкорликдаги фаолияти негизида ўқув-
тарбия ишларини тўғри йўлга қўйиш муаммоси ётади. Бу муаммо олий 
мактаб психологиясида жуда кам тадқиқ қилингани сабабли худди ана шу 
муаммо юзасидан кенгроқ мулоҳаза юритиш мақсадга мувофиқдир.