Тошкент 2021 акушерлик сепсиси

1С
Резистентлик ривожланиши, токсик реакциялар ва кераксиз харажатларнинг олдини 
олиш учун антибиотикларни юбориш тартибини ҳар куни баҳолаш зарур.
2В
Микробларга қарши терапиянинг самарадорлигини прокальцитониннинг даражасини 
кунлик баҳолаш билан текшириш тавсия этилади. Ушбу маркернинг даражаси 0,1 нг/
мл дан паст бўлса, антибактериал терапия бекор қилиниши мумкин.
Дастлабки 3-5 кун ичида бошланғич антибактериал терапиянинг самарадорлигининг 
белгилари қуйидагича: 
– умумий ҳолат яхшиланиши, эс-хуши тикланиши, ҳаёт сифати яхшиланиши;
– SOFA шкаласи бўйича баллар қиймати пасайиши;
– тизимли яллиғланиш белгиларининг ифодаланганлиги пасайиши, тана ҳарорати, 
ЮУС, НОС, периферик қондаги лейкоцитлар миқдори, биокимёвий маркерлар 
концентрацияси нормаллашиши;
– септик ўчоқлар томонидан ижобий ўзгаришлар ва янгилари пайдо бўлмаслиги.
BPS
Патоген ва сезгирлик даражаси аниқлангандан ва/ёки муқобил клиник яхшиланиш 
кузатилгандан кейин микробларга қарши эмпирик терапияни қисқартириш тавсия 
этилади.
2С
Сепсис/септик шок билан боғлиқ бўлган аксарият инфекциялар учун антибактериал 
терапиянинг муқобил давомийлиги 7-10 кунни ташкил қилади.
2С
Даволаш секин кечадиган беморларда – дренажланмайдиган инфекциянинг ўчоқлари; 
Staphylococcus aureus, баъзи замбуруғлар ва вирусли инфекциялар туфайли келиб 
чиққан бактериемия, шунингдек, иммунитет танқислиги, шу жумладан, нейтропения 
ҳолати бўлган беморларда антибактериал дори-воситаларининг узоқ муддат 
қўлланилиши асосли бўлиши мумкин.

---

28
Микробларга қарши дори-воситаларнинг узоқ муддат қўлланилиши жамият ва ҳар бир бемор 
учун зарарлидир. Жамиятда микробларга қарши дори-воситаларнинг ортиқча қўлланилиши 
микробларга қарши резистентлик ривожланиши ва тарқалишига кўмаклашади. Ҳар 
бир бемор учун узоқ муддатли антибактериал терапияси Clostridium difficile келтириб 
чиқарадиган колит каби баъзи касалликлар ва, умуман олганда, ўлим хавфи ортиши билан 
боғлиқ.
Сепсис ва септик шокнинг вирусли этиологиясида вирусларга қарши дори-воситаларни 
тайинлаш талаб қилинади.