Олий ва ўрта махсус таълим вазирлигининг 2022 йил " " апрелдаги

Мавзу бўйича назорат саволлари: 
1.
Ишчи гуруҳнинг вазифаларини тушунтиринг. 
2.
Ташқи савдо режими бўйича меморандум қандай қисмлардан ташкил 
топади? 
3.
Кузатувчи мақомини олиш мақсадларини санаб беринг. 
4.
Божхона бож тарифлари бўйича музокаралар қандай шаклда 
ўтказилади? 
5.
Ишчи гуруҳ ҳисоботида қандай маълумотлар ўрин олади, 
6.
Аъзолик шартлари тақдим қилинганидан сўнг номзод мамлакатга ушбу 
шартларни бажариш учун қанча муддат берилади?
 
 

---

30 
3-МАВЗУ. КЎП ТОМОНЛАМА САВДО МУНОСАБАТЛАРИ 
Режа: 
3.1. Товарлар савдосидаги кўп томонлама шартномалар. 
3.2. Алоҳида секторларда товарлар савдосидаги кўп томонлама 
шартномалар. 
3.3. Минтақавий савдо келишувлари ва Жаҳон савдо ташкилоти. 
 
3.1. Товарлар савдосидаги кўп томонлама шартномалар 
Жаҳон савдо ташкилотидаги кўп томонлама савдо муносабатлари 
товарлар, хизматлар ва интеллектуал мулк савдосига оид битимлардан ташкил 
топади. Бу битимларда савдони эркинлаштириш тамойиллари ва рухсат 
этилган истиснолар кўрсатилган бўлиб, улар: 
•
алоҳида мамлакатларнинг божхона тарифларини ва бошқа савдо 
тўсиқларини пасайтириш, хизматлар бозорларини очиш ва сақлаш 
мажбуриятларини ўз ичига олади; 
•
низоларни ҳал қилиш тартибини белгилайди;
•
ривожланаётган мамлакатлар учун махсус ёндашувниишлаб чиқадилар;
•
ҳукуматлардан ўз савдо сиёсатини шаффоф қилишни талаб қилади, 
бунинг учун ҳукуматлар ЖСТни амалдаги қонунлар ва қабул қилинган чора-
тадбирлар тўғрисида хабардор қилиши ҳамда савдо сиёсати тўғрисидаги 
мунтазам ҳисоботлар бериб туриши керак бўлади. 
Ушбу келишувлар кўпинча ЖСТнинг савдо қоидалари деб аталади ва 
ЖСТ "қоидаларга асосланган" тизим сифатида таърифланади. Аммо шуни 
ёдда тутиш керакки, қоидалар аслида ҳукуматлар томонидан келишилган 
битимлардир. Қуйидаги жадвалда ЖСТ шартномаларининг тузилиши ихчам 
тарзда келтирилган: