O’zbekiston respublikasining soliq kodeksi I bo’lim. Umumiy qoidalar

 
2)
soliq hisobining tahliliy registrlari to’g’risidagi ma’lumotlarni;
 
3)
soliqlar va yig’imlarning to’g’ri hisoblab chiqarilganligi (ushlab 
qolinganligi), to’liq va o’z vaqtida to’langanligi (o’tkazilganligi) ustidan ichki 
nazorat tizimi to’g’risidagi axborotni. Ichki nazorat tizimi to’g’risidagi axborot 
bunday tizim mavjud bo’lgan taqdirda taqdim etiladi.
 
Axborotga oid hamkorlik reglamentining shakli va unga doir talablar 
O’zbekiston Respublikasi Davlat soliq qo’mitasi tomonidan tasdiqlanadi. 
 
174-modda. Soliq monitoringini o’tkazish to’g’risidagi qaror 
Soliq monitoringini o’tkazish to’g’risidagi ariza hisobga olish joyidagi soliq 
organiga yuridik shaxs tomonidan soliq monitoringi o’tkaziladigan davrdan avvalgi 
yilning 1 iyulidan kechiktirmay taqdim etiladi. 
Soliq monitoringini o’tkazish to’g’risidagi arizaning shakli O’zbekiston 
Respublikasi Davlat soliq qo’mitasi tomonidan tasdiqlanadi. 
Soliq monitoringini o’tkazish to’g’risidagi ariza bilan birga quyidagilar taqdim 
etiladi: 
1)
belgilangan shakl bo’yicha axborotga oid hamkorlik reglamenti; 
2)
soliq monitoringini o’tkazish to’g’risidagi arizani taqdim etayotgan yuridik 
shaxsda bevosita va (yoki) bilvosita ishtirok etayotgan hamda bunday ishtirok ulushi 
25 foizdan ortiq bo’lgan yuridik va jismoniy shaxslar to’g’risidagi axborot; 
3)
soliq solish maqsadlari uchun amaldagi hisobga olish siyosati. 
Soliq monitoringini o’tkazish to’g’risidagi arizani taqdim etgan yuridik shaxs 
soliq organi tomonidan soliq monitoringini o’tkazish yoki uni o’tkazishni rad etish 
haqida qaror qabul qilinguniga qadar yozma ariza asosida uni chaqirib olishi 
mumkin. 
Soliq monitoringini o’tkazish to’g’risidagi ariza u chaqirib olingan taqdirda 
berilgan deb hisoblanmaydi.
Soliq monitoringini o’tkazish to’g’risidagi arizani va ushbu moddaning 
uchinchi qismiga muvofiq yuridik shaxs tomonidan taqdim etilgan hujjatlarni 
(axborotni) ko’rib chiqish natijalariga ko’ra soliq organining rahbari (rahbar 
o’rinbosari) ariza taqdim etilgan yilning 1 noyabriga qadar quyidagi qarorlardan 
birini qabul qiladi: 
1)
soliq monitoringini o’tkazish to’g’risidagi qarorni; 
2)
soliq monitoringini o’tkazishni rad etish haqidagi qarorni. 
Soliq monitoringini o’tkazishni rad etish to’g’risidagi qaror asoslantirilgan 
bo’lishi kerak. 
Quyidagilar soliq monitoringini o’tkazishni rad etish to’g’risidagi qarorni qabul 
qilish uchun asos bo’ladi: 

---

171 
1)
ushbu moddaning uchinchi qismiga muvofiq hujjatlar (axborot) taqdim 
etilmaganligi yoki to’liq hajmda taqdim etilmaganligi; 
2)
ushbu Kodeks 172-moddasining beshinchi qismida nazarda tutilgan 
shartlarga rioya etilmaganligi;
3)
axborotga oid hamkorlik reglamentining bunday reglamentning 
belgilangan shakliga va unga doir talablarga muvofiq emasligi. 
Soliq monitoringini o’tkazish to’g’risidagi qaror (soliq monitoringini rad etish 
to’g’risidagi qaror) qabul qilingan kundan e’tiboran besh kun ichida arizachiga 
yuboriladi.