O’zbekiston respublikasining soliq kodeksi I bo’lim. Umumiy qoidalar

 
 
 
19-BOB. Soliq monitoringi 
 
172-modda. Soliq monitoringi to’g’risidagi umumiy qoidalar 
 
Soliq to’g’risidagi qonun hujjatlariga rioya etilishi, o’ziga nisbatan soliq 
monitoringi o’tkazilayotgan yuridik shaxs tomonidan soliqlar va boshqa 
yig’imlarning to’g’ri hisoblab chiqarilganligi, to’liq va o’z vaqtida to’langanligi 
(o’tkazilganligi) soliq monitoringining predmetidir. 
Soliq monitoringi ushbu Kodeksga muvofiq yuridik shaxs qaysi soliqlar va 
yig’imlarga nisbatan soliq to’lovchi yoki soliq agenti deb e’tirof etilsa, barcha 
shunday soliqlar va yig’imlarni qamrab oladi. 
Soliq monitoringi soliq to’lovchi uchun ixtiyoriydir. 
Soliq organi soliq organi tomonidan soliq monitoringini o’tkazish to’g’risidagi 
qaror asosida o’tkaziladi. 
Agar yillik moliyaviy hisobot ma’lumotlari bo’yicha o’tgan yil uchun yuridik 
shaxsning daromadlari kamida 10 milliard so’mni tashkil etgan bo’lsa, u soliq 
organiga soliq monitoringini o’tkazish to’g’risidagi ariza bilan murojaat qilishga 
haqli. 
Yuridik shaxs soliq monitoringini o’tkazish to’g’risidagi arizani soliq organiga 
taqdim etgan yildan keyingi kalendar yil soliq monitoringi o’tkaziladigan davrdir. 
Soliq monitoringini o’tkazish soliq monitoringi o’tkaziladigan yilning 1 
yanvaridan boshlanadi va soliq monitoringi o’tkazilgan davrdan keyingi yilning 1 
iyulida tugatiladi. 
 
173-modda. Axborotga oid hamkorlik reglamenti 
 
Soliq monitoringida ishtirok etuvchi yuridik shaxs va soliq organi o’rtasidagi 
axborotga oid hamkorlik tegishli reglament asosida amalga oshiriladi. 
Axborotga oid hamkorlik reglamentida soliqlar va yig’imlarni hisoblab 
chiqarish va to’lash (ushlab qolish va o’tkazish) uchun asos bo’lib xizmat qiladigan 
hujjatlarni (axborotni) soliq organiga elektron shaklda taqdim etish tartibi va yoki 
yuridik shaxsning mazkur hujjatlarni (axborotni) o’z ichiga olgan axborot 
tizimlaridan foydalanish tartibi aks ettiriladi. 
Yuridik shaxs axborotga oid hamkorlik tartibini mustaqil tarzda tanlashga 
haqli. 

---

170 
Axborotga oid hamkorlik reglamentida soliq organining zarur bo’lgan taqdirda 
shunday hujjatlarning asl nusxalari bilan tanishib chiqish tartibi ham ko’rsatiladi. 
Axborotga oid hamkorlik reglamentida yuridik shaxs quyidagilarni ko’rsatadi: 
1)
buxgalteriya (soliq) hisobi registrlarida soliq solish ob’ektlarining 
daromadlari va xarajatlarini aks ettirish tartibini;