Самарқанд иқтисодиёт ва сервис институти

Бош мия яримшарлари пўстлоғи функциясини текшириш
усуллари 
Бош мия яримшарлари пўстлоғидек мураккаб органнинг функциялари 
қуйидаги усулларда тэкширилади: 
1) шартли рефлекслар усули;
2) бош мия биотокларини ёзиб олиш усули;
3) бош мияда қон айланиши ва моддалар алмашинувини текшириш 
усули;
4) бош мияни бевосита кучсиз электр токи ёки кимёвий моддалар билан 
таъсирлаш усули. 
Бу усуллардан ташқари, бош миянинг турли қисмлари жарроҳлик йўли 
билан (вивисекция) олиб ташланиб, организмда кечадиган физиологик ўзга-
ришлар кузатилади. И.П.Павловнинг физиология соҳасидаги улкан хизмати 
шундан иборатки, у мураккаб руҳий ҳодисаларни текшириш учун объектив 
физиологик усулни, яъни шартли рефлекслар усулини яратди. Шартли 
рефлекслар усулида бош миянинг функциялари соғлом ҳайвон ёки болада, 
катта одамда ўрганилади. Текширилувчи одамга шартли таъсирловчи (товуш 
ёки ёруғлик) берилиб, сўнг шартсиз таъсирловчи (овқат ёки кучсиз электр токи, 
ёки терисига оғриқ ҳосил қилувчи бирорта нарса билан) таъсир қилинади. 
Организмга шартли таъсирловчи билан шартсиз таъсирловчи бир неча марта 
таъсир эттирилса, шу одамнинг бош миясида иккита марказ ўртасида 
вақтинчалик нерв боғланиши вужудга келади. 

---

88 
Бош мия биотокларини ёзиб олиш усулида текширилувчи бош миясига 
электроэнцефалограф билан туташтирилган электродлар ўрнатилади. Бош мия 
биотоклари ниҳоятда кучсиз бўлиб (- 200 мкв гача) ўртача 40-50 мкв келадиган 
биотоклар маҳсус асбобларда 100 000, баъзида 10 млн марта орттириб ёзиб 
олинади. Биотокларни ёзиб олишда текширилувчи турли товуш, ташқи таъсир 
ўтмайдиган махсус камэрага ётқизилади. Олинган электроэнцефалограмма 
махсус электрон асбоб - анализатор ҳисоблаш машиналарида анализ қилинади. 
Бу усулга электроэнцефалографля усули дейилади. Электр билан таъсир этиш 
усулида бош мия пўстлоғининг турли нуқталари электр билан таъсирланади. Бу 
усул жуда кўп натижа беради. Кимёвий таъсир этиш усулида бош мия ярим 
шарлари пўстлоғи функциясини ўрганиш учун баъзи бир кимёвий моддалардан 
(жумладан стрихнин) фойдаланилади.