ILMIY AXBOROTNOMA TARIX 2017-yil, 4-son 30
muhim huquqiy asos boʻldi. Oʻzbekiston Respublikasi Prezidentining 2017-yil 15 fevraldagi
“Madaniyat va sport sohasida boshqaruv tizimini yanada takomillashtirish chora-tadbirlari toʻgʻrisida”
PF № 4956-sonli Farmoniga asosan yuqorida keltirilgan farmondagi ba’zi bandlar oʻz kuchini
yoʻqotdi.
Oʻzbekiston Respublikasi Prezidentining 1996 yil 5-mart PF 1419-sonli “Oʻzbeknavo gastrol-
konsert birlashmasini tashkil etish toʻgʻrisida” Farmoni musiqa-raqs san’atini rivojlantirishni davlat
yoʻli bilan qoʻllab-quvvatlash maqsadida e’lon qilingan edi. Bu farmon asosida musiqa san’atining
estrada, maqom, milliy qoʻshiqlar yoʻnalishlari rivojlandi. 2017-yil 15 fevraldagi Oʻzbekiston
Respublikasi Prezidentining “Madaniyat va sport sohasida boshqaruv tizimini yanada takomillashtirish
chora-tadbirlari toʻgʻrisida” PF № 4956 sonli Farmoniga asosan “Oʻzbeknavo” estrada birlashmasi va
“Oʻzbekraqs” milliy raqs birlashmasi negizida Madaniyat vazirligi huzurida “Oʻzbekkonsert” davlat
muassasasi tashkil etilgani bois yuqorida keltirilgan farmonda oʻz kuchini yoʻqotdi[8].
Oʻzbekiston Respublikasi Prezidentining 1996 yil 29-aprelda “Oʻzbekkino davlat-aksiyadorlik
kompaniyasini tuzish toʻgʻrisida” qabul qilingan Farmoni mamlakatimizda kino san’atini
rivojlantirishning huquqiy asosi boʻlib xizmat qilib kelmoqda va bu farmon asosida kino san’ati sohasi
faoliyatida koʻplab ijobiy oʻzgarishlar yuz berish natijasida kino san’ati rivojlandi[9].
Milliy madaniyatni rivojlantirishda xalq badiiy hunarmandchiliklari va amaliy san'atining
ahamiyatini oshirish, qoʻlda ishlanadigan yuksak badiiy buyumlarni tayyorlash asriy an'analarini va
oʻziga xos turlarini qayta tiklash hamda xalq hunarmandlariga davlat tomonidan madad koʻrsatish
maqsadida 1997-yil 31 martda chiqarilgan PF № 1741-sonli “Xalq badiiy hunarmandchiliklari va
amaliy san’atni yanada rivojlantirishni davlat yoʻli bilan qoʻllab-quvvatlash chora tadbirlari
toʻgʻrisida”gi Oʻzbekiston Respublikasi Prezident Farmoni asosida: xonadon sharoitida yuksak badiiy
buyumlar ishlab chiqaruvchi xalq hunarmandlari mahalliy xom ashyo, materiallar, asboblar va kichik
mexanizatsiya vositalari bilan ta'minlandi, tayyor mahsulotlarni sotish boʻyicha ixtisoslashtirilgan
doʻkonlar va kioskalar tarmogʻini tashkil qilindi, yoshlarni xalq san'ati ustalarining koʻnikmalariga
oʻqitib oʻrgatish uchun zarur shart-sharoitlari vujudga keltirildi, badiiy hunarmandchilik va amaliy
san'atning eng yaxshi namoyondalari xizmatlarini, ularning milliy madaniyatni yanada rivojlantirishga
va iste'dodli yoshlarni tayyorlashga qoʻshgan hissasini ragʻbatlantirish maqsadida «Oʻzbekiston
Respublikasi Xalq ustasi» unvonini ta'sis etildi va koʻplab amaliy san’at ustalari shu unvon bilan
taqdirlanib kelimoqda. Bundan tashqari xalq ustalarining, «Usto» birlashmasi va «Musavvir» ilmiy-
ishlab chiqarish markazining ushbu markaz huzurida xalq hunarmandlarining Qoraqalpogʻiston
Respublikasida, viloyatlarda va Toshkent shahrida boʻlinmalarga ega boʻlgan «Hunarmand»
uyushmasini tashkil etilib faoliyati yoʻlga qoʻyildi[10].
Birinchi Prezidentimiz Islom Karimov tashabbusi bilan boshlangan buyuk ishlar bugungi kunda
ham davom etmoqda. Oʻzbekiston Respublikasi Prezidenti Shavkat Miromonovich Mirziyoyev
tomonidan 2017 yil 15 fevralda madaniyat va sport sohasida boshqaruv tizimini tubdan
takomillashtirish, ushbu sohada davlat siyosatini amalga oshirish samaradorligini keskin oshirish,
Oʻzbekiston xalqining boy va oʻziga xos madaniyati, san’ati va ijodini yanada rivojlantirishni
ta’minlash, aholining keng qatlam oʻrtasida ma’nan va axloqan komil inson boʻlishga va sogʻlom
turmush tarzini yuritishga intilishni ragʻbatlantirishga yoʻnaltirish maqsadida “Madaniyat va sport
sohasida boshqaruv tizimini yanada takomillashtirish chora-tadbirlari toʻgʻrisida” PF № 4956-sonli
Farmon chiqarildi.
Farmonga muvofiq, Oʻzbekiston Respublikasi Madaniyat va sport ishlari vazirligi tugatiladi va
uning negizida Oʻzbekiston Respublikasi Madaniyat vazirligi hamda Oʻzbekiston Respublikasi
Jismoniy tarbiya va sport davlat qoʻmitasi tashkil etildi. Alohida ta’kidlash joizki, farmonga koʻra,
Madaniyatning ushbu sohalarda davlat siyosatini amalga oshirish boʻyicha barcha jabhalarini qamrab
oluvchi quyidagi asosiy vazifa va faoliyat yoʻnalishlari belgilangan:
- milliy madaniy va ma’naviy merosimizni asrab-avaylash va boyitish, san’at va badiiy ijodni
har tomonlama rivojlantirish, aholining ma’naviy-axloqiy va madaniy darajasini yanada oshirishni
ragʻbatlantirish, uni milliy va jahon madaniyatining eng yaxshi namunalari bilan tanishtirish boʻyicha
tizimli choralarni amalga oshirish;
- aholining keng qatlami, ayniqsa, yoshlar ongi va qalbida mustaqillik gʻoyasiga, yuqori
ma’naviyat va insonparvarlik an’analariga sadoqat tuygʻulari yanada chuqur ildiz otishi, radikalizm va
ekstremizmdek yot gʻoyalarga qarshi immunitetni mustahkamlash, jamiyatning oʻsib kelayotgan
