Экология муаммоси давримизнинг энг долзарб муаммоларидан бири бўлиб қолди

 
Ўзбекистонда атроф-муҳит ҳолати.
Сайёрамизда ҳар йили ташқи муҳитга 70 млн.м3 заҳарли газ, 50 млн.тонна метан, 13 
млн.тоннага яқин азот оксидлари чиқарилмоқда, океанларга 10 млн.тонна нефт ва нефт 
маҳсулотлари, сув ҳавзаларига 32 км3 ифлос саноат сувлари қуйилмоқда, 11 млн.гектар 
ўрмон кесилмоқда ва ёниб кетмоқда.
 

---

Ўзбекистон Республикасида атмосфера ҳавосининг ифлосланиши асосий экологик 
муаммолардан бири ҳисобланади. Шаҳарларнинг асосан тоғ олди ва тоғ оралиқ, 
ботиқларида жойлашганлиги,иқлимнинг иссиқ ва қуруқлиги Ўзбекистонда атмосфера 
ҳавоси ифлосланиш даражасининг нисбатан юқори бўлишига олиб келган. Ўзбекистоннинг 
атмосфера ҳавоси айниқса аҳоли, саноат ва транспорт юқори даражада тўпланган Тошкент 
ва Фарғона иқтисодий районларида кучли ифлосланган. Атмосферанинг ифлосланиши 
аҳоли саломатлиги, ўсимликларнинг ҳолати ва ҳосилдорлиги, бинолар, металл 
конструкциялар, тарихий обидалар ва бошқаларга салбий таъсир кўрсатади. 
Сўнги йилларда турли зкологик тадбирларнинг амалга оширилиши натижасида 
атмосферага ташланадиган чиқиндилар миқдорининг нисбатан камайиши кузатилди. 
Республикадаги саноат корхоналари томонидан атмосферага 150 дан ортиқ ифлословчи 
бирикмалар чиқарилади. Атмосферага чиқариладиган бирикмаларнинг 90% га яқини
асосий экологик “ифлос” ишлаб чиқариш жойлашган Тошкент, Қашқадарё, Фарғона, 
Бухоро, Навоий, ва Сирдарё вилоятларининг корхоналари хиссасига тўғри келади. 
Автотранспорт комплекси ҳавони ифлословчи асосий манба ҳисобланади ва 
атмосфера ифлосланишининг 70% га яқинини ташил қилади. 
Орол ва Орол бўйидаги экологик танглик келтираётган моддий ва маънавий зарар, 
бугун инсониятни ташвишлантирмоқда. Тожикистоннинг Сурхондарё билан қўшни шаҳри 
Турсунзодадаги алюминий заводи Сурхондарёнинг шу жойга яқин халқлари ҳаёти ва 
саломатлигига ҳамда табиатга ҳавф солмоқда. Экологик аҳволни соғломлаштириш, атроф-
муҳитни муҳофаза қилиш иқтисодий, ижтимоий-сиёсий ва бошқа омилларга боғлиқ. 
Чиқиндилар муаммосини ҳал Ўзбекистондаги энг долзарб экологик муаммолардан 
ҳисобланади. Тоғ-кон саноати энг катта ҳажмдадаги чиқиндиларни ҳосил қилади. Ҳар йили 
ўрта ҳисобда 100 млн.тоннадан ортиқ саноат, маиший ва бошқа чиқиндилар вужудга келади 
ва 15-20 % заҳарлидир. 
Республикада чиқиндиларни жойлаштриш ва зарарсизлантириш,қайта ишлаш талабга 
тўлиқ жавоб бермайди. Ўзбекистонда 2002 йилда ”Чиқиндилар тўғрисида”ги қонун қабул 
қилинган.