Asosiy qoidalar

590-modda. Sud majlisi
Oldingi
 tahrirga qarang.
Prokurorning amnistiya aktiga asosan jinoyat ishini qo‘zg‘atishni rad qilish haqidagi yoki
jinoyat ishini tugatish to‘g‘risidagi iltimosnomasi jinoyat sodir qilingan yoxud surishtiruv, dastlabki
tergov yuritilayotgan joydagi jinoyat ishlari bo‘yicha tuman (shahar) sudining, hududiy harbiy
sudning sudyasi tomonidan, mazkur sudlarning sudyasi bo‘lmagan yoxud iltimosnomani ko‘rib
chiqishda uning ishtirokini istisno etuvchi holatlar mavjud bo‘lgan taqdirda esa Qoraqalpog‘iston
Respublikasi sudining, viloyat, Toshkent shahar sudining raisi, O‘zbekiston Respublikasi Harbiy
sudining raisi belgilaydigan boshqa tegishli sudning sudyasi tomonidan yakka tartibda ko‘rib
chiqiladi.
(590-moddaning birinchi qismi O‘zbekiston Respublikasining 2021-yil 12-yanvardagi O‘RQ-664-sonli
Qonuni 
tahririda — Qonun hujjatlari ma’lumotlari milliy bazasi, 13.01.2021-y., 03/21/664/0014-son)
Sud majlisi iltimosnoma jinoyat ishini qo‘zg‘atishni rad qilish to‘g‘risidagi tergovga qadar
o‘tkazilgan tekshiruv materiallari yoki jinoyat ishi bilan birga sudga kelib tushgan paytdan e’tiboran
o‘n sutkadan kechiktirmay o‘tkaziladi.
Iltimosnomani ko‘rib chiqish sud tomonidan prokuror albatta ishtirok etgan holda amalga
oshiriladi.
Sud majlisida amnistiya aktini qo‘llash haqidagi masala qaysi shaxsga nisbatan qo‘yilayotgan
bo‘lsa, o‘sha shaxs, gumon qilinuvchi, ayblanuvchi, shuningdek agar ishda qatnashayotgan bo‘lsa,
ularning himoyachilari va qonuniy vakillari ishtirok etadi. Sud majlisi o‘tkaziladigan vaqt va joy
haqida lozim darajada xabardor qilingan mazkur shaxslarning uzrsiz sabablarga ko‘ra kelmaganligi
sud majlisining o‘tkazilishiga monelik qilmaydi.
Oldingi
 tahrirga qarang.
Qamoqqa olish yoki uy qamog‘i tarzidagi ehtiyot chorasi qaysi gumon qilinuvchiga,
ayblanuvchiga nisbatan tanlangan bo‘lsa, o‘sha gumon qilinuvchining, ayblanuvchining yoki
O‘zbekiston Respublikasi hududidan tashqarida bo‘lgan gumon qilinuvchining, ayblanuvchining
sud majlisida ishtirok etishi zarurligi masalasi sud tomonidan hal qilinadi.
(590-moddaning beshinchi qismi O‘zbekiston Respublikasining 2018-yil 18-apreldagi O‘RQ-476-sonli
Qonuni 
tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)

---

08.05.2022, 17:51
22.09.1994. O‘zbekiston Respublikasining Jinoyat-protsessual kodeksi
https://lex.uz/docs/-111460
221/232
Oldingi
 tahrirga qarang.
Sud majlisi prokurorning ma’ruzasi bilan boshlanadi, prokuror amnistiya aktiga asosan jinoyat
ishini qo‘zg‘atishni rad qilish yoki jinoyat ishini tugatish zarurligini asoslab beradi. So‘ngra amnistiya
aktini qo‘llash haqidagi masala qaysi shaxsga nisbatan qo‘yilayotgan bo‘lsa, o‘sha shaxsning, gumon
qilinuvchining, ayblanuvchining, himoyachining, qonuniy vakilning so‘zlari eshitiladi, taqdim etilgan
materiallar tekshiriladi.
(590-moddaning oltinchi qismi O‘zbekiston Respublikasining 2017-yil 29-martdagi O‘RQ-421-sonli
Qonuni 
tahririda — O‘R QHT, 2017-y., 13-son, 194-modda)
Oldingi
 tahrirga qarang.
Sud taraflarda jinoyat ishini tugatish yoxud jinoyat ishi qo‘zg‘atishni ushbu Kodeksning 
83 
va
84-moddalarida 
belgilangan boshqa asoslar bo‘yicha rad qilish uchun asoslar bor-yo‘qligini
aniqlaydi. Shundan keyin sudya ajrim chiqarish uchun alohida xonaga kiradi.
(590-modda O‘zbekiston Respublikasining 2017-yil 29-martdagi O‘RQ-421-sonli 
Qonuniga 
asosan
yettinchi qism bilan to‘ldirilgan — O‘R QHT, 2017-y., 13-son, 194-modda)
Sud majlisi vaqtida ushbu Kodeksning 
90 — 92-moddalarida 
nazarda tutilgan qoidalarga ko‘ra
bayonnoma yuritiladi.
Oldingi
 tahrirga qarang.
Sud muhokamasi natijalari bo‘yicha sudya qonunda belgilangan tartibda ajrim chiqaradi,
ushbu ajrimning gumon qilinuvchini yoki ayblanuvchini qamoqdan yoki uy qamog‘idan ozod
qilishga doir qismi darhol ijro etilishi lozim.
(590-moddaning to‘qqizinchi qismi O‘zbekiston Respublikasining 2018-yil 18-apreldagi O‘RQ-476-sonli
Qonuni 
tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)
Sudning ajrimi ijro etish uchun prokurorga, ma’lumot uchun esa amnistiya aktini qo‘llash
haqidagi masala qaysi shaxsga nisbatan qo‘yilgan bo‘lsa, o‘sha shaxsga, gumon qilinuvchiga,
ayblanuvchiga, jabrlanuvchiga (fuqaroviy da’vogarga), himoyachiga va qonuniy vakilga yuboriladi.
Oldingi
 tahrirga qarang.
Agar sud majlisi davomida amnistiya aktini qo‘llash uchun asoslar mavjud emasligi aniqlansa,
sud tergovga qadar o‘tkazilgan tekshiruv materiallarini yoki jinoyat ishini umumiy qoidalar bo‘yicha
tegishincha tergovga qadar tekshiruv o‘tkazish yoki surishtiruv yoxud dastlabki tergov ishini yuritish
uchun prokurorga yuborish to‘g‘risida ajrim chiqaradi.
(590-moddaning o‘n birinchi qismi O‘zbekiston Respublikasining 2017-yil 6-sentabrdagi O‘RQ-442-
sonli 
Qonuni 
tahririda — O‘R QHT, 2017-y., 36-son, 943-modda)