Asosiy qoidalar

217-modda. Protsessual majburlov chorasi qo‘llanilgani haqida xabar qilish
Oldingi
 tahrirga qarang.
Surishtiruvchi, tergovchi, prokuror gumon qilinuvchiga, ayblanuvchiga nisbatan ushlab turish
tarzidagi, sud esa qamoqqa olish, uy qamog‘i yoki ekspertiza o‘tkazish uchun shaxsni tibbiy
muassasaga joylashtirish tarzidagi protsessual majburlov chorasini qo‘llaganida shaxsga nisbatan
qo‘llanilgan protsessual majburlov chorasi hamda uning ushlab turilgan joyi to‘g‘risida darhol oila
a’zolaridan biriga, ular bo‘lmagan taqdirda esa boshqa qarindoshlariga yoki yaqin kishilariga xabar
berishi, shuningdek bu haqda ish yoxud o‘qish joyiga ma’lum qilishi shart.
Ushlab turilgan, qamoqqa olingan, uy qamog‘iga yoki tibbiy muassasaga joylashtirilgan shaxs
boshqa davlatning fuqarosi bo‘lsa, bu haqda darhol O‘zbekiston Respublikasi Tashqi ishlar
vazirligiga xabar berilishi shart. Xabarnomaning ko‘chirma nusxasi ishga ilova qilinadi.
(217-moddaning matni O‘zbekiston Respublikasining 2020-yil 14-maydagi O‘RQ-617-sonli 
Qonuni
tahririda — Qonun hujjatlari ma’lumotlari milliy bazasi, 15.05.2020-y., 03/20/617/0585-son)
218-modda. Ushlab turilgan, qamoqqa olingan yoki tibbiy muassasaga joylashtirilgan
shaxsning qaramog‘idagilarga homiylik qilish va uning mol-mulkini qo‘riqlash choralari
Ushlab turilgan, qamoqqa olingan yoki ekspertiza o‘tkazish uchun tibbiy muassasaga
joylashtirilgan shaxsning qarovsiz va yordamga muhtoj voyaga yetmagan farzandlari, keksaygan
ota-onalari, boshqa boqimlari bo‘lganda surishtiruvchi, tergovchi, prokuror yoki sud ularni
qarindoshlarining yoki boshqa shaxslar yoxud muassasalarning homiyligiga topshirishi, majburlov
chorasi qo‘llanilgan shaxsning nazoratsiz qolayotgan mol-mulki yoxud uy-joyi bo‘lsa, ularni
qo‘riqlash chorasini ko‘rishi shart.
Oldingi
 tahrirga qarang.
Shaxsning qaramog‘idagilarga homiylik qilish va uning mol-mulkini qo‘riqlash to‘g‘risidagi
ko‘rsatilgan choralar ushlab turish tarzidagi protsessual majburlov chorasini qo‘llagan tergovga
qadar tekshiruvni amalga oshiruvchi organning mansabdor shaxsi tomonidan ham ko‘rilishi shart.
(218-modda O‘zbekiston Respublikasining 2017-yil 6-sentabrdagi O‘RQ-442-sonli 
Qonuniga 
asosan
ikkinchi qism bilan to‘ldirilgan — O‘R QHT, 2017-y., 36-son, 943-modda)