O’zbekiston respublikasi milliy gvardiyasi harbiy-texnik instituti

AJDODLARIMIZ MA’NAVIY MEROSIDA VATANPARVARLIK
G‘OYALARINI O`RGANISH MASALALARI
48
 
 
Tarixdan ma’lumki, ko‘hna zaminimizda yetishib chiqqan ajdodlarimiz 
xalqimizga boy ma’naviy meros qoldirgan. Bu meros avvalo, ajdodlardan 
avlodlarga qolib kelayotgan o‘tmish qoldig‘i - ilmiy, adabiy, madaniy boyliklarda 
ifodalanadi. Xalqimizning bebaho ma’naviy xazinasi hisoblangan ma’naviy 
merosimizdan yoshlarni xabardor qilish hozirgi davrimizning eng dolzarb 
vazifalaridan biridir. 
Ma’naviy meros
– ma’naviy taraqqiyot mahsuli, inson aql-zakovati bilan 
yaratilgan, kelajak avlodni ezgu taraqqiyot sari yetaklash xususiyatiga ega bo‘lgan, 
kishilarning ongi va dunyoqarashining o‘sishi, olamni bilish va o‘zlashtirish 
borasidagi sa’y-harakatlariga quch-quvvat beradigan, ajdodlardan avlodlarga o‘tib 
kelayotgan azaliy qadriyatlar majmuini ifodalaydigan tushuncha [1]. 
Ma’naviy meros – o‘tmishdan qolgan qadriyatlar, g‘oyalar, tajriba, bilimlar va 
ularni o‘zlashtirish yo‘llari, ya’ni kishilarning ijodiy faoliyat usullari va uni tashkil 
qilish natijalaridir. Ma’naviy meros kishilarning saviyasini behad kengaytiradi, ular 
hayotini aqliy va hissiy jihatdan boyitadi, bilimning tuganmas manbai bo‘lib xizmat 
qiladi.
“Sir emaski, har qaysi davlat, har qaysi millat nafaqat yer osti va yer usti tabiiy 
boyliklari bilan, harbiy qudrati va ishlab chiqarish salohiyati bilan, balki birinchi 
navbatda, o‘zining yuksak madaniyati va ma’naviyati bilan kuchlidir” [2].
Biz insoniyatning ma’naviy kamolotiga ijobiy ta’sir ko‘rsatgan boy ma’naviy-
madaniy meros, buyuk qadriyatlarning sohibimiz. Bu haqda O‘zbekiston 
Respublikasining Birinchi Prezidenti Islom Karimov: “Ajdodlarimiz tafakkuri va 
dahosi bilan yaratilgan eng qadimgi toshyozuv va bitiklar, xalq og‘zaki ijodi 
namunalaridan tortib, bugungi kunda kutubxonalarimiz xazinasida saqlanayotgan 
ming-minglab qo‘lyozmalar, ularda mujassamlashgan tarix, adabiyot, san’at, siyosat, 
axloq, 
falsafa, 
tibbiyot, 
matematika, 
mineralogiya, 
kimyo, 
astronomiya, 
me’morchilik, dehqonchilik va boshqa sohalarga oid qimmatbaho asarlar bizning 
48