O’zbekiston respublikasi milliy gvardiyasi harbiy-texnik instituti

MILLIY GVARDIYA TIZIMI HARBIY XIZMATCHILARINING 
HARBIY-VATANPARVARLIGINI OSHIRISHDA MUDOFAA VA 
XAVFSIZLIK MASALALARINING AHAMIYATI
20

Jamiyat va davlatning barqaror rivojlanishi uchun zarur bo’lgan asosiy 

vazifalardan biri bugungi kunda mudofaa va xavfsizlikni ta’minlashdir. O’zbekiston 
Respublikasi Prezidenti Sh.M.Mirziyoyev 2017 yil 22 dekabr kuni mamlakatimiz 
tarixida birinchi marta Oliy Majlisga Murojaatnomasida: “Barchamizga ayonki, 
jahonda keskin iqtisodiy raqobat, axborot xurujlari, terroristik tahdidlar tobora 
kuchayib bormoqda. Dunyoning turli joylarida, ayniqsa, Yaqin Sharq mintaqasida 
qonli to’qnashuv va nizolar davom etmoqda. Ming afsuski, bunday notinch keskinlik 
o’choqlari kamayish o’rniga ko’payib bormoqda. Ana shunday tahlikali vaziyatni 
hisobga olgan holda, biz yurtimizda tinchlik-osoyishtalikni mustahkamlash, turli 
xavf-xatarlarga 
qarshi kurashish bo’yicha faoliyatimizni har tomonlama 
kuchaytirishimiz shart. Bu zamon talabi” [1] degan edi.
Mudofaa keng tushuncha bo’lib, aholining osuda hayotini va xavfsizligini himoya 
qilish bo’yicha siyosiy, iqtisodiy, harbiy, ijtimoiy-huquqiy, axborot, tashkiliy choralar 
majmuasi tushuniladi [2]. Mazkur ta’rifda himoya ob’ektlari: mamlakatning suverenlik 
va hududiy yaxlitligi, aholining osuda hayoti va xavfsizligi, shuningdek bunga siyosiy, 
iqtisodiy, harbiy, ijtimoiy-huquqiy, axborot, tashkiliy va boshqa choralar majmuasini 
qo’llash vositasida erishish yo’llari ko’rsatib o’tilgan. Shuning uchun ushbu ta’rif 
amaliyot uchun ham, ilmiy jihatdan ham g’oyat maqbul tushuncha xisoblanadi. 
Aksariyat holatlarda mudofaa deganda ko’z o’ngimizga harbiy xizmat bilan bog’liq 
ijtimoiy munosabatlar gavdalanadi. 
Mudofaa va xavfsizlik tushunchalarinig huquqiy asosi eng avvalo O’zbekiston 
Respublikasi Konstitutsiyasining 26-bobida belgilab berilgan. 
20