Toshkent davlat yuridik universiteti shaxsiy rivojlanish

3. 100 
foiz 
qoidasini 
qo‘llashda 
inson 
o‘zi 
bilan 
“savdolashmasligi” shart! 
100 foiz qoidasi shaxsni kundalik rejalari asosida katta maqsadlarni 
amalga oshirishda o‘z-o‘zi bilan “savdolashish” imkoniyatidan mahrum 
etadi. Boshqacha aytganda, inson ichki “meni” bilan kelishishga 
urinmasdan, ortiqcha xayollarga ham berilmasdan bugungi ishni ertaga 
qoldirmasligi shart. Masalan, til o‘rganish maqsadida yodlanishi zarur 
bo‘lgan kundalik so‘zlar miqdorini belgiladingiz. Lekin bir kuni vaqt 
topa olmay, shu kun uchun rejalashtirilgan so‘zlarni ertaga yodlashga 
so‘z berdingiz. 100 foiz qoidasiga ko‘ra, bunday qilish mumkin emas.
4. Oldingizga qo‘yilgan maqsadlarga erishish uchun oldin qo‘lga 
kiritilgan yutuqlarni yodga olish orqali o‘z-o‘zini ruhlantirish. 
Avvalgi taxminlar va hayajonlarni ortda qoldirib, kutilganidan-da 
yaxshi natijaga erishish insonga baxtiyorlik hissini ato qiladi. Shu tufayli 
inson o‘zi erishgan yutuqlarini xotirlashi va ularning natijalarini takroran 
his qilishi kayfiyatga ijobiy ta’sir o‘tkazadi.
Unutmaslik lozimki, inson oldinga faqat aniq maqsad bilan intilishi 
kerak. Aks holda, qadimiy o‘zbek naqli – “Maqsadsiz ish – qolipsiz 
g‘isht”dagi kabi o‘z yo‘lini topa olmaydigan kadr bo‘lib qolish xavfi 
tug‘iladi. 
 

---

36 
Kundalik rejalarni amalga oshirishda vaqtni tejash uchun
“Uch Harvard savoli” texnikasi 
 
O‘z maqsadingiz tomon intilishda eng katta dushmanlardan biri – 
vaqtdir!
Shuning uchun ham, katta maqsadlar sari ildam intilayotganda sizga 
xalaqit berib, vaqtni o‘g‘irlovchi vazifalardan voz kechish talab etiladi. 
2013-yilning sentyabrida professor Julian Birkinshou va Jordan 
Koen Harvard Business Review jurnalida samaradorlikni oshirishga doir 
tajribalari natijasi bilan o‘rtoqlashishdi. Ular aql bilan ishlovchi yuqori 
malakali xodimlar o‘z vaqtining 41 foizini yo umuman professional 
qoniqish olib kelmaydigan, yo boshqalar tomonidan bajarilishi mumkin 
bo‘lgan turli ikkinchi darajali ishlarga sarflashlarini aniqlashdi. 
Shuning uchun ham olimlar o‘z oldiga “Nima uchun mutaxassislar 
samarasiz ishlarga behuda vaqt sarflashda davom etmoqda?” savolini 
qo‘yishadi. 
Tadqiqotchilarning so‘zlariga ko‘ra, aksariyat 
o‘zini band his qilishni yaxshi ko‘radi, chunki bu 
ularning qadr-qimmatini oshiradigandek tasavvur 
uyg‘otadi. Ular kichik va ahamiyatsiz ishlarni 
bajarishdan ham qoniqish hosil qilishadi, hatto 
zerikarli majlislarni ham ijobiy qabul qilishadi, chunki bu ularga ish 
joyini tark etib, hamkasblari bilan muloqot qilish imkonini beradi. 
Professor Julian Birkinshou va Jordan Koen xodimlarni o‘z 
mehnatiga yangicha qarashga o‘rgatishganidan so‘ng ular vaqtdan ancha 
yutishdi. Bunday yondashuvga o‘rgatilgan xodimlar stol atrofidagi 

---

37 
ishlarni 6 soatga, majlislarga ketadigan vaqtni 2 soatga qisqartirib, 
haftasiga o‘rtacha sakkiz soat tejay boshlashadi.