Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 171-moddasi 3-qismida:
a) juda ko‘p miqdorda; 
b) o‘ta xavfli retsidivist tomonidan; 
v) uyushgan guruh tomonidan yoki uning manfaatlarini ko‘zlab 
mulkning jinoiy yo‘l bilan topilganligini bila turib, uni oldindan va’da 
bermagan holda olish yoki o‘tkazish uchun javobgarlik nazarda tutilgan. 
Mazkur holatlarni biz yuqorida ko‘rib chiqqanligimiz sababli ularga 
to‘xtalmaymiz. 
89 

---

3-§. Mulkni qo‘riqlashga vijdonsiz munosabatda bo‘lish
(JK 172-moddasi) 
Jinoyatning 
bevosita obyekti 
aybdor shaxsga ishonib topshirilgan yoki 
uning muhofazasida turgan o‘zganing mulkini xavfsizligini, saqlanishini 
ta’minlashga qaratilgan ijtimoiy munosabatlar hisoblanadi. 
Obyektiv tomondan 
jinoyat shaxsning mulkni qo‘riqlashga vijdonsiz 
munosabatda bo‘lishi natijasida mulkning talon-toroj qilinishi, unga 
shikast yetkazilishida yoki uning nobud bo‘lishi sababli mulk egasiga ko‘p 
miqdorda zarar yetkazilishiga sabab bo‘lishida va bu qilmishda 
mansabdorlik jinoyatlarining alomatlari yo‘qligida ifodalanadi. 
Vijdonsizlarcha munosabatda bo‘lish 
— bu mulkni qo‘riqlash 
bo‘yicha vazifalarni bajarmaslik (masalan, qorovulning o‘z qo‘riqlash 
navbatiga kelmasligi yoki qo‘riqlanayotgan mulkni tashlab ketishi) yoki 
mulkni qo‘riqlash bo‘yicha tegishli bo‘lmagan majburiyatlarni bajarishdir. 
Shaxsning harakatlarini tahlil qilinayotgan modda bo‘yicha 
kvalifikatsiya qilish uchun shaxsning mulkni qo‘riqlash yuzasidan o‘z 
majburiyatlarini bajarishga vijdonsiz munosabatda bo‘lishi va uning talon-
toroj qilinishi, ko‘p miqdorda zarar yetkazilishi natijasida unga shikast 
yetkazilishi yoki uning nobud qilinishi o‘rtasidagi sababiy bog‘lanish 
mavjudligini aniqlash zarur. Agar sababiy bog‘lanish bo‘lmasa, shaxsni