Maxsus qism iqtisodiyot sohasidagi jinoyatlar. Ekologiya sohasidagi jinoyatlar

NOTA BENE ! 
Jinoiy yo‘l bilan topilgan mulkni 
oldindan va’da bermagan holda 
olish yoki o‘tkazish deganda, agar subyekt bunday harakatlarni sodir 
88 

---

etishga, jinoyat sodir etish yo‘li bilan mulk topuvchi shaxslarga avvaldan 
va’da (rozilik) bermagan bo‘lsa, shuningdek, ular tomonidan sodir 
etilayotgan jinoyatlardan oldin yoki o‘sha vaqtda va’da bermagan 
(masalan, doimiy ravishda bila turib aynan bir shaxslardan jinoiy yo‘l 
bilan topilgan mulklarni olish) hamda ularga uning yordamiga ishonishiga 
imkoniyat beradigan harakat qilmagan holatlar tushuniladi. 
Agar aybdor jinoiy yo‘l bilan topilgan mulkni olishni avvaldan, ya’ni 
talon-toroj yoki boshqa jinoyat sodir etilishidan ilgari va’da qilgan bo‘lsa, 
aybdor shaxs sodir etgan jinoyatda ishtirok etganlik uchun javobgarlikka 
tortilishi kerak. Shuningdek, shaxs o‘g‘irlangan narsalarni muntazam 
ravishda sotib olgan va o‘g‘rini jinoiy yo‘l bilan topilgan har qanday 
mulkni olishga ishontirgan bo‘lsa, bunday shaxs o‘zganing mulkini talon-
toroj qilishning ishtirokchisi deb hisoblanadi. 
Jinoiy yo‘l bilan topilgan mulkni olish yoki o‘tkazish jinoyatining 
subyekti 
16 yoshga to‘lgan har qanday aqli raso jismoniy shaxs bo‘lishi 
mumkin. 
Mansabdor shaxs o‘z xizmat mavqeidan foydalangan holda jinoiy yo‘l 
bilan topilgan mulkni olsa yoki o‘tkazsa, uning qilmishi jinoyatlar jami 
bo‘yicha 
JK 171-moddasi 
va Jinoyat kodeksida hokimiyat yoki mansab 
vakolatini suiiste’mol qilganlik uchun javobgarlik belgilangan 205-modda 
bilan kvalifikatsiya qilinadi. 
JK 171-moddasi 2-qismida 
javobgarlikni og‘irlashtiruvchi quyidagi 
holatlar belgilangan: 
a) takroran yoki xavfli retsidivist tomonidan; 
b) ko‘p miqdorda sodir etilgan bo‘lsa.