Maxsus qism iqtisodiyot sohasidagi jinoyatlar. Ekologiya sohasidagi jinoyatlar

motivi 
(g‘arazli, o‘ch olish, shaxsiy salbiy munosabatlar) 
qilmishni kvalifikatsiya qilishga ta’sir qilmaydi. 
Jinoyat 
subyekti 
maxsus bo‘lib, 16 yoshga to‘lgan, qonun bo‘yicha 
ishda guvoh, jabrlanuvchi, ekspert yoki tarjimon sifatida qatnashishi 
mumkin bo‘lgan shaxs hisoblanadi. 16 yoshga to‘lmaganlar va ishga 
guvoh va jabrlanuvchi sifatida jalb qilingan shaxslar mazkur jinoyat 
subyekti hisoblanmaydi.
JK 238-moddasi 2-qismining obyektiv tomoni:
1) surishtiruv olib borish, dastlabki tergov, ishni sudda ko‘rish vaqtida 
guvoh yoki jabrlanuvchining yolg‘on ko‘rsatuv berishi yoki ekspertning 
yolg‘on xulosa berishi yoxud tarjimonni noto‘g‘ri tarjima qilishi uchun 
pora evaziga og‘dirib olishdan; 
2) ularga yoki ularning yaqin qarindoshlariga ruhiy yoki jismoniy tazyiq 
o‘tkazish orqali yolg‘on guvohlik berishga majburlashdan iboratdir. 
Pora evaziga og‘dirib olish
— bu yolg‘on guvohlik berish evaziga 
aybdorlarning shaxsan o‘ziga yoki vositachilari orqali ko‘rsatilgan 
shaxslarga pul, qimmatli qog‘oz, boshqa mulk berish yoki mulkiy 
xarakterda bo‘lgan xizmatlarni, ishni dastlabki tergovda yoki sud majlisida 
ko‘rish vaqtida, yolg‘on guvohlik berish uchun bajarishda ifodalanadi.
Jinsiy aloqaga kirishishga taklif qilish poraning predmeti bo‘la olmaydi. 
Mulkiy xarakterda bo‘lmagan manfaat va foydali xizmatlarni bajarish 
(ishga joylashtirish va boshqalar) mazkur jinoyat tarkibini tashkil 
qilmaydi. Moddiy yo‘sindagi xizmatlar sirasiga qarzdan voz kyechish, 
qandaydir imtiyozlarni berish va h.k.larni kiritish mumkin. Pora miqdori 
jinoyatni kvalifikatsiya qilish uchun ahamiyatga ega emas. 
Guvoh, jabrlanuvchi, ekspert, tarjimonni pora evaziga og‘dirish aytib 
o‘tilgan shaxslarga muayyan moddiy mukofot berilgan paytdan e’tiboran 
tugallangan 
jinoyat hisoblanadi.