Maxsus qism iqtisodiyot sohasidagi jinoyatlar. Ekologiya sohasidagi jinoyatlar

tugallangan
hisoblanadi. 
JKning 181
1
-moddasida nazarda tutilgan Jinoyat 
subyektiv tomondan
qasddan, to‘g‘ri qasd bilan sodir etiladi. Ya’ni, shaxs ushbu qilmishning 
jinoiyligini, yakka tartibdagi tadbirkorning yoki yuridik shaxsning 
barqaror iqtisodiy nochorligiga (bankrotligiga) olib kelishi yoki 
kreditorlarga zarar yetkazilishini bila turib, uning oqibatlari kelib 
chiqishini xohlab sodir etadi. 
Shuningdek, mazkur Jinoyatning subyektiv tomonining yana bir zaruriy 
belgisi uning motividir. Ya’ni, jinoyat yakka tartibdagi tadbirkor 
tomonidan yoki yuridik shaxs mansabdor shaxsi, muassisi (ishtirokchisi) 
yoxud mol-mulkining mulkdori tomonidan shaxsiy manfaatlarini yoki 
boshqa shaxslarning manfaatlarini ko‘zlab sodir etiladi. 
Mazkur jinoyatning 
subyekti
maxsus subyektdir. Ya’ni, Jinoyatning 
subyektining jismoniy shaxs ekanligi, aqli raso ekanligi hamda 16 
yoshga to‘lganligini talab etuvchi umumiy asoslardan tashqari, jinoyat 
sodir etuvchi shaxs yakka tartibdagi tadbirkor, yuridik shaxs mansabdor 
shaxsi, muassisi (ishtirokchisi) yoxud mol-mulkining mulkdori bo‘lishi 
lozim. 
Yakka tartibdagi tadbirkor tadbirkorlik faoliyatini yuridik shaxs tashkil 
etmagan holda amalga oshiradigan, yakka tartibdagi tadbirkor sifatida 
davlat ro‘yxatidan o‘tgan jismoniy shaxsdir. 
139 

---

Fuqarolik kodeksining 42-moddasiga muvofiq, mulkdorlar, xo‘jalik 
yuritish yoki operativ boshqarish huquqi subyektlari yoxud ular vakil 
qilgan shaxslar yuridik shaxslarning muassislari hisoblanadi. 
Mol-mulkning mulkdori tegishli mol-mulkni tasarruf etish huquqiga ega 
bo‘lgan shaxsdir.
Qonunda mazkur jinoyatga nisbatan rag‘batlantiruvchi normalar ham 
nazarda tutilgan, ya’ni, qasddan bankrotlikka olib kelgan shaxs yetkazilgan 
moddiy zararning o‘rnini qoplagan taqdirda, unga nisbatan ozodlikni 
cheklash va ozodlikdan mahrum qilish tariqasidagi jazo qo‘llanilmaydi.