O'zbekiston Respublikasi Oliy va o’rta-maxsus ta’lim Vazirligi Toshkent Davlat stomatologiya institute Buxoro filiali

Miokard infarktining atipik shakllari: 
Miokard infarktining 30 % i atipik formada kechadi. Bularga: 
1) 
Abdominal
; 2) 
Astmatik
; 3) 
Anginoz
; 4) 
Aritmik shakli
; 5) 
Serebral
; 6) 
Simptomsiz 
klinik shakllari
 
kiradi;
Abdominal variant
-og’riq bir vaqtda epigastral va to’sh sohasi 
orqasida bo‘ladi, dispeptik shikoyatlar: tez-tez qayd qilish, ko’ngil 
aynishi, kekirish, qorin sohasida o’g’riq, oshqozon va ichak falaji. 
Ob‘yektiv tekshirishda Traube bo’shlig’ning kengayishi, oshqozonda 
kuchli timpanik tovush, palpatsiyada qorinda og’riq va yallig’lanish 
belgilarining bo’lishi. Meda ichaklar peristaltikasi yo’qolishi, chayqalish 
simptomi musbat bo’lishi, diafragmaning yuqori turishi kabi o’zgarishlar 
bo’ladi. Bemorlarda ichaklardan qon ketish, mezenteral tomirlar 
trombozi va hatto peritonit ham rivojlanishi mumkin.
Astmatik variant
– chap qorincha mushaklarida nekroz o’choqlari 
paydo bo’lib, yurak yetishmovchiligi bilan kechadi. Bemorlarni 
inspirator hansirash, bo’g’ilish simptomi, qon aralash ko’piksimon 
balg’am bilan yo’tal, nafas yetishmovchiligi, ko’krak sohasida og’riq 
kabi simptomlar bezovta qiladi. Bemorlarni ko’zdan kechirganda teri va 
shilliq qavatlarda tsianoz, bemorlarni terisi sovuq ter bosgan, nafas 
olishi yuzaki, tez-tez, qisqa. Palpatsiyada ovoz drillashi o’pka ustida 
kuchaygan, perkussiyada bo’g’iqroq tovush, auskultatsiyada mayda 
pufakchali nam xrillashlar asosan o’pkani pastki qismida eshitiladi. Qon 
bosimi past, pulsi ipsimon tezlashgan. Bemorlar balg’ami tekshirilganda 
yurak parok hujayralarini ko’rish mumkin. Qon aylanishi buzilishi va 
o’lim ko’rsatkichlari yuqori bo’ladi. 
Aritmik variant 
– miokardda metabolik jayonlarni, qon 
aylanishini, elektrolit balansini buzilishi bu variantni keltirib chiqaradi. 
Klinik belgilari yurak ritmining o’tkir buzilishi, fibrillyatsiya, politop 
qorinchalar ekstrasistoliyasi, paroksizmal tebranuvchi taxiaritmiya, 
hilpillovchi aritmiya kuzatiladi. Yurak ritmining o’tkir buzilishi 
kasallikning 1-kuni va 1-soatlarida boshlanadi. Klinik ko’rinishi ko’krak 

---

216 
qafasining qisilishi va kuchli yurak urishi, muddatdan oldin urishi bilan 
kechadi. Palpatsiyada yurak turtki zarbi noteks, sust, pulsi aritmik, 
auskultatsiyada galop ritmini eshitishimiz mumkin. O’tkazuvchanlik 
buzilishi munosabati bilan EKG da to’liq ko’ndalang qamal Morgani - 
Edema - Stoks sindromi ko’rinadi; bir vaqtning o’zida ritmning 2-4 
marta buzilishi kuzatiladi.