Art menejmentni rivojlantirishda zamonaviy yondashuvlarning ahamiyati

---

ART MENEJMENTNI RIVOJLANTIRISHDA ZAMONAVIY 
YONDASHUVLARNING AHAMIYATI 
 
Azizbek Sirojiddinovich Xushvaqtov 
Mо‘minmirzo Zokir о‘gʻli Xolmо‘minov 
О‘zbekiston davlat san’at va madaniyat instituti 
 
Annotatsiya:
Maqolada art menejmentning san’at va madaniyat sohasidagi 
ahamiyati haqida soʻz yuritilgan. О‘zbekiston art menejmentining bozor iqtisodiyoti 
rivojidagi oʻrni va vazifasi haqida fikr-mulohaza yuritilib, Oʻzbekistonda art 
menejmentini rivojlantirishda zamonaviy yondashuvlar boʻyicha taklif va tavsiyalar 
berilgan. 
Kalit sо‘zlar:
art menejment, madaniyat, bozor iqtisodiyoti, ehtiyoj, menejer, 
muassasa, ishlab chiqarish, tijorat. 
THE IMPORTANCE OF MODERN APPROACHES IN THE 
DEVELOPMENT OF ART MANAGEMENT 
Azizbek Sirojiddinovich Khushvaqtov 
Muminmirzo Zokirovich Kholmuminov 
Uzbekistan State Institute of Arts and Culture 
Abstract:
The article discusses the importance of art management in the field of 
art and culture. The role and role of art management in the development of a market 
economy in Uzbekistan were discussed, as well as suggestions and recommendations 
on modern approaches to the development of art management in Uzbekistan. 
Keywords:
art management, culture, market economy, need, manager, 
institution, production, trade. 
San’atda menejmentni “madaniy ehtiyoj” atamasi bilan bogʻlashadi. Insonning 
har qanday ijodiy faoliyatining ijobiy motivatsiyasi, ya’ni biror narsaning 
yetishmovchiligini bartaraf etishga qaratilgan zaruriyat his tuygʻusining shakllanishi 
natijasidir. Madaniy ehtiyojlar insonni boshqa tirik mavjudotlardan ajratuvchi 
omillardan biri hisoblanadi. Ular yordamida inson shaxs sifatida jamiyatda ajralib 
turadi va kamol topadi. Gʻoya ham oʻqish, izlanish va koʻnikmaning rivojlanishi 
orqali kreativlik tusini oladi. 
San’at estetik ehtiyojni qondiruvchi vositadir. Estetik ehtiyoj tomoshabinning 
madaniy hordiq olishiga, boʻsh vaqtini mazmunli oʻtkazishiga intilishidir. Kundalik 
hayotda goʻzallikka bоʻlgan ehtiyoj insonning yashash muhiti (xonadoni, ish joyi) va 
"Oriental Art and Culture" Scientific-Methodical Journal - Volume 2 Issue 4 / December 2021
ISSN 2181-063X
65
http://oac.dsmi-qf.uz/

---

оʻzini bezatishi kabi harakatlar odamzodning azaldan san’at oshiftasi boʻlib 
kelganidan darak beradi. 
Ijodiy jarayon va madaniy boyliklarni yaratish, hamda jamiyat madaniy 
ehtiyojlarini qondiruvchi ijodiy gʻoyalarni amalga oshirish, tomoshabinga kreativ 
gʻoya asosida tashkil etilgan asarlarni taqdim etishda san’at menejmentining оʻrni 
juda katta. 
San’at menejmenti
- bu zamonaviy menejment va san’atshunoslikning tarkibiy 
qismi hisoblanib, madaniy va ijodiy jarayon uchun sharoit yaratuvchi tizim sifatida 
san’atni idrok etishdan kelib chiqadi va jamiyatning madaniy hayot darajasini 
oshirish maqsadida insonlarning madaniyat va san’at sohasidagi mehnat natijalari 
bilan muvofiqlashtirishga qaratilgan faoliyat sifatida nazarda tutiladi [1: 11]. 
San’at menejmentining negizini zamonaviy menejment tashkil qiladi. Boshqa 
sohalardagi kabi san’at sohasining boshqaruvida ham menejmentning rejalashtirish, 
tashkil qilish, boshqarish (liderlik) va nazorat qilish funksiyalari qоʻllaniladi, ushbu 
soha menejerlari kоʻplab monand vazifalarni bajarishda barcha boshqaruv 
kоʻnikmalardan foydalanadilar. San’at menejmentining mohiyatini anglashda avvalo 
menejmentning nazariy asoslarini оʻzlashtirish talab qilinadi. 
Menejment
- bu bozor iqtisodiyoti sharoitida aniq korxona va tashkilotlarni 
boshqarishdir. Boshqarish koʻproq keng ma’noda qoʻllaniladi.