Ноябрь 2020 10-қисм
Тошкент
ЛОЙИҲА АСОСИДА ЎРГАНИШ МЕТОДИНИНГ ТАЛАБАЛАР ОҒЗАКИ НУТҚ
КОМПЕТЕНЦИЯСИНИ ШАКЛЛАНТИРИШ ВА РИВОЖЛАНТИРИШДАГИ
АҲАМИЯТИ
Розикова Раънохон Сойибкамоловна
Тошкент халқаро Вестминстер университети ўқитувчиси,
мустақил изланувчи
Телефон:+998(93) 5731129
r.rozikova@wiut.uz
Аннотация:
Ушбу мақолада хорижий тилни лойиҳа асосида ўрганиш методи ва унинг
талабалар оғзаки нутқ компетенциясини шакллантириш ва ривожлантиришдаги муҳим
аҳамияти ҳақида сўз юритилган. Шунингдек, мақолада ушбу методнинг таркибий қисмлари,
тажрибада қўллаш мумкин бўлган мисоллар ва хулосалар ёритилган.
Калит сўзлар:
лойиҳа асосида ўрганиш, компетенция, оғзаки нутқ, лойиҳа иши, ком-
муникатив тил ўқитиш ва ўрганиш, индивидуал ва жамоавий иш, тақдимот, креатив фик-
рлаш.
Бугун жаҳон цивилизацияси жадал тезликда ўсиб бораётган бир вақтда турли соҳа му-
тахассисларининг касбий ва саводий билим ва малакалари юқори савияда шаклланган
бўлиши ва касбий компетентлик ривожланган бўлиши муҳим аҳамият касб этади. Бу эса ўз
навбатида олий таълим масканларида таҳсил олаётган талаба-ёшлар касб-хунар эгаллашга-
ча бўлган вақтда аллақачон асосий ва ривожлантирувчи билим ва малакаларни чуқур эгал-
лашлари кераклигига ишора қилади. Ушбу асрда замонавий дунёни лойиҳалар ҳаракатга
келтирмоқда ва радикал ўзгаришлар содир бўлишига улар кучли туртки бўлмоқда. Шун-
дай экан, таълимда лойиҳага асосланган ўқитиш ва ўрганиш нафақат талабаларнинг хо-
рижий тилни мукаммал ўрганишларини балки эртанги касбий фаолиятда жамоадошлар
билан йирик ва манфаатли лойиҳа ишларида салмоқли кўникмага эга кадр сифатида фаол
бўлишларига хизмат қилади. Зеро, лойиҳа асосида хорижий тилни ўқитиш кенг кўламли
таълим бериш ҳисобланиб, бунда талаба нафақат нутқий компетенциясини ривожланти-
ради, балки лойиҳалар воситасида жамоа билан ишлай олиш, вақтни тўғри бошқариш,
тақдимотлар қила олиш, фикрини амалий мисоллар воситасида батафсил ифода эта олиш
ва технологиялардан фойдалана олиш маҳоратларини ривожлантиради. Лойиҳа асосида
ўрганиш самарали тил ўқитиш методи сифатида коммуникатив тил ўқитиш принципларига
тўлиқ мос келади. Унинг мақсади талабаларнинг тилни мулоқот қилиш ва тушуниш, иж-
тимоий масъулият ва танқидий фикрлаш ёндашуви асосида ўрганишига йўл очиб бериш-
дан иборат. Анъанавий тил ўқитиш методидан фарқли равишда лойиҳа асосида ўрганиш
методида талабалар жамоавий ишламоқчи бўлган мавзуни ўзлари танлайдилар, тажриба
ва режаларни ўзлари тузадилар, доимий равишда мавзу доирасида олиб бораётган изла-
нишларига танқидий баҳо бериб борадилар, лойиҳаларини тақдим этадилар ва уларнинг
ишлари сифати тегишли баҳолаш мезонлари асосида баҳоланади.
Хорижий тилни мукаммал ўзлаштириш мақсадида ташкил этиладиган лойиҳа асосида
ўрганиш қуйидаги муҳим босқичларни ўзида мужассам этиши керак:
Do'stlaringiz bilan baham: |