Ekologiya va gigiyena modulidan o’quv uslubiy majmua

 
Tayanch iboralar: 
Antropometrik, samotoskopik, samotometrik, fiziometrik, skolioz, yassi 
tovonlik
 
 
Bolalar va o‘smirlar gigiyenasi fanining asosiy vazifalari qatoriga:
1.O‘suvchi organizmning o‘ziga xos morfologik va funksional xususiyatlarini hisobga olib 
gigiyenik me’yorlar ishlab chiqish va bunda har bir yosh davrlarini inobatga olish vazifalari:
-bolalar va o‘smirlarni tarbiyalash va o‘qitish sharoitlarini ratsional tashkil qilish va 
muvofiqlashtirish;
-bolalar va o‘smirlar faoliyatini reglamentlash;
-bolalar va o‘smirlarning ovqatlanishini takomillashtirish;
-bolalar va o‘smirlarning shaxsiy gigiyenasi
2.Bolalar va o‘smirlarga tibbiy xizmat ko‘rsatishni takomillashtirish, jumladan:
-bolalar va o‘smirlarning jismoniy rivojlanishini sifatli nazorat qilishni ta’minlash;
-bolalar va o‘smirlarning salomatlik holatlarini nazorat qilish va dispanserizatsiyani amalga 
oshirish;
-sog‘lomlashtirish tadbirlarini amalga oshirish
Bolalar va o‘smirlarning jismoniy rivojlanishi gigiyenik tadbirlarning asosi ekanligida 
gigiyenik tadbirlarning asosini turli yosh davrlaridagi bolalar va o‘smirlar organizminidagi anatomo 
- fiziologik xususiyatlarni hisobga olish hisoblanadi.
Bolalar va o‘smirlarning jismoniy rivojlanishini V.N.Kardashenkoning ta’rifi bo‘yicha 
asosiy qonuniyatlari quyidagilardan iborat
:
• Bola organizmi qanchalik kichiq bo‘lsa, o‘sish va rivojlanish jarayoni shunchalik jadal 
ketadi;
• O‘sish va rivojlanish bolalarda bir tekisda ketmaydi, Har bir yosh davri uchun o‘zining 
anatomo-fiziologik xususiyatlari mavjud
Xalqaro tasnifga muvofiq quyidagi yoshga doir davrlarni ajratish mumukin:
Yangi tug‘ilgan davr- tug‘ilgan vaqtdan 10 kungacha bo‘lgan davrni o‘z ichiga oladi.
Ko‘krak yoshi davri -10 kundan 1 yilgacha
Ilk bolalik davri - 1-3 yosh
Birinchi bolalaik - 4-7 yosh
Ikkinchi bolalik: qizlar -8-11 yosh, o‘g‘il bolalar 8-12 yosh
O‘smirlik davri - qizlar- 11-15 yosh, o‘g‘il bolalar - 13-16 yosh
O‘spirinlik davri: qizlar -16-20yosh, o‘g‘il bolalar - 17-21 yosh.

---

Ekologiya va gigiyena modulidan o’quv uslubiy majmua
94