Кўчмас мулк иқтисодиёти

11.12-расм. Корхонани ўзига хос кўчмас мулк объекти сифатида ижарага бериш 
тартиби 
акти 
Ижарага берувчи ўз қарзларини ижарага олувчининг зиммасига ўтказиши ҳақида 
кредиторларини ёзма равишда огоҳлантириши шарт, кредиторлар бунга рози бўлмасалар, 
огоҳлантиришни олган вақтдан бошлаб уч ой давомида ижарага берувчидан тегишли 
мажбуриятларни бекор қилишни ёки муддатидан олдин бажаришни ва шу туфайли 
етказилган зарарни қоплашни талаб қилишга ҳақли. Агар шу муддатда мазкур 
талаблардан биронтаси билдирилмаса, кредитор тегишли қарзнинг ижарачига 
ўтказилишига розилик берган деб ҳисобланади. 
Ижарага берувчидан мажбуриятларни бекор қилишни ёки муддатидан олдин 
бажаришни ва зарарни қоплашни талаб қилган кредиторлар билан ҳисоб-китоб қилиб 
бўлинганидан кейингина корхона ижарачига топширилиши мумкин. 
Корхона мулкий мажмуа сифатида ижарага берилганидан кейин ижарага берувчи 
билан ижарага олувчи топширилган корхона таркибига киритилган ва ижарага олувчига 
кредиторнинг розилигисиз ўтказилган қарзлар бўйича солидар жавобгар бўладилар. 
Агар қонун ҳужжатларида бошқача тартиб назарда тутилган бўлмаса, ижарага 
берувчининг тегишли фаолият билан шуғулланиш учун махсус рухсатнома (лицензия) 
асосида олган ҳуқуқлари ижарага олувчига берилиши мумкин эмас. Ижарачи махсус 
рухсатнома (лицензия) си бўлмаганлиги сабабли бажара олмайдиган мажбуриятларни 
шартнома бўйича топширилаётган корхона таркибига киритиш ижарага берувчини 
кредиторлар олдидаги тегишли мажбуриятлардан озод қилмайди. 
 
 
 
 

---

151 
Назорат учун саволлар: 
 
1.
Кўчмас мулк объектлари эгалари хуқуқини расмийлаштириш ва кўчмас мулк 
объектлари юзасидан бажариладиган ҳатти-харакатлар қандай амалга оширилади? 
2.
Мулкдор кўчмас мулкка нисбатан қандай ваколатларга эга? 
3.
Эгалик ҳуқуқини олиш усулларини тушунтиринг 
4.
Битим нима? 
5.
Кўчмaс мулк oбъектлaри юзасидан тузиладиган битим турларини айтиб беринг. 
6.
Рента нима ва унинг қандай турлари мавжуд? 
7.
Ижара шартномасининг структурасини тушунтиринг.