Оила кутубхонаси бахтли бола маънавияти

 
 
 
 
 
 
 
 
 
 
 
 
 
 
 

---

14 
КЕЛАЖАКНИНГ ИНСОН КАПИТАЛИ. 
 
УНИНГ МАЪНАВИЯТИ МАКТАБГАЧА ТАЪЛИМ 
МУАССАСАСИДАН БОШЛАНАДИ 
Ўзбекистон Республикаси Президенти Шавкат Мирзиёев 17 июль 
куни умумий ўрта таълим тизимини ислоҳ қилиш ва ривожлантириш 
масалаларига бағишланган йиғилишда таълим муассасалари инсон 
ресурсларини ривожлантиришнинг пойдевори, ёшларда билим, 
дунёқараш ва маънавият асосларини шакллантирувчи асосий маскан 
эканини таъкидлади.
Мажлисда “инсон капитали”га сармоя киритишни кўпайтириш
масаласи қатъий қилиб қўйилди.
 
Эътибор берсак, инсон капитали жумласининг баҳоси жуда 
баланд. У ХХ1 асрда инсониятнинг, ҳар бир давлатнинг, ҳар бир 
одамнинг тақдирини белгилайди. ХХ1 асрнинг узоқни ўйлаган, доно 
лидерлари ўз халқига шу иборанинг маъносини тушунтирмоқда.
Нега? Чунки XIX ва ХХ асрнинг охирларигача саноат-индустриал 
даражада бўлди. Ҳозир ахборот-технологиклашув даври. Бу даврни олимлар 
яқин 7-15 йилда тугайди, дейишяпти. Цивилизациянинг учинчи босқичи 
умуммаданий ёки интеллектуал-маънавий босқич бўлиши башорат 
қилишмоқда.
 
Инсон капитали бу – миллатнинг бирлашган имкониятлари йиғиндиси. 
Табиий ресурслар, иқтисодиётнинг саноат ва аграр секторлари, олтин, валюта 
заҳиралари ва бошқалар миллий бойликнинг доимий камайиб борувчи 
қисмига айлана боради. Баъзи экспертларнинг фикрича улар 2020 йилга келиб, 
ривожланган мамлакатлар миллий бойлигининг 10%ига ҳам етмай қолади. 
Бошқача қилиб айтганда, интеллектуал-маънавий омил миллий бойликнинг 
ҳал қилувчи омилига, давлат қудратининг энг муҳим кўрсаткичи ва 
жамиятнинг ривожланганлик даражасини белгилайди. 
Ўзбекистонни ривожланган давлатлар қаторига кўтаришга қодир
катта куч керак. Бу куч нимада? Ер ости, усти бойликларидами? Йўқ.